مَرقُس 9:32 - کتاب مقدس به زبان گیلکی - گویش رشت و غرب گیلان

³² شاگردان عیسی منظورَ نفهمستیدی و ترسه ئیدی اون جا سؤال واورسید.

کیتاب مقدّس به گیلکی (رشتی)

³² ولی نفأمستید کی عیسی چی گفتَن دره و ترسه‌ییدی اونٚ جأ وأورسید.

Gilaki New Testament

³² ولی اونی منظورَ نفأمٚستٚد و ترسئید وأوٚرسٚد.

کتاب مقدس به زبان گیلکی - گویش شرقی

³² شاگردون، عیسی منظور نفهمسَن و تَرسِئن اونا جی بپورسَن.

مَرقُس 9:32 ပူးပေါင်းရင်းမြစ်များ

مَرقُس 16:14

بازون عیسی اُ یازده تا شاگرد ره، وقتی کی غذا سر نیشته بید، ظاهیرَ بوست و اوشانَ بی ایمانی و سنگ دیلی واسی اَشان تشر بزه، چون اوشانی کی عیسیَ بعد اَنکی زنده بُبوسته بو بیده بیدِ گبَ وَاور نُکودید.

مَرقُس 7:18

عیسی اوشانَ بگفت: «شُمانم نفهمیدی؟ مگه نانیدی کی اونچی کی جه بیرون آدمی وجود درون شه، نتانه اونَ نجستَ کونه؟

مَرقُس 8:33

ولی عیسی وگردست، خو شاگردان فندرست و پِطرُسَ تشر بزه و بگفت: «می جا دورَ بو، اَی شیطان! چونکی تی فیکران آدم شینِ، نه خُدا شین.»

مَرقُس 9:10

اوشان اَ جریانَ خوشان میان بدَشتید، ولی همدیگر جا واورسه ئید کی، ’مُردئان جا زنده بوستن‘ یعنی چی؟

لوقا 18:34

ولی شاگردان هیتّا جه اون گبانَ نفهمستید. اون گبان معنی اوشان جا پنهان بمانسته و اُ چیانی کی بگفته بو نفهمستید.

لوقا 2:50

ولی اوشان اَ گبَ، کی اَشانَ بگفته نفهمستید.

لوقا 24:45

بازون، اوشان فیکرَ وازا کود تا بتانید مُقدّسِ کِتاب بفهمید.

لوقا 9:45

ولی شاگردان اون منظورَ نفهمستید؛ چونکی جه اوشان، جیگا بدَه بُبوسته بو تا اوشانَ حالی نبه؛ و هراس دَشتید کی اَ باره اون جا واورسید.

یوحنا 12:16

اونِ شاگردان اول اَ چیانَ نفهمستید، ولی وقتی کی عیسی بعد مردَن زنده بُبوست بیاد باوردید کی اَشان همه اون باره مُقدّسِ کتابان درون بینیویشته بُبوسته بو و هوطوئم ایتفاق دکفت.

یوحنا 16:19

عیسی پیشتر دَنستی کی خوائیدی اونِ جا سؤال بُکونید؛ اَشانَ بگفت: «هَن واسیه کی همدیگره جا واورسیدی، کی بگفتم ”ایپچه دئرتر، دِه مَرا نخوائید دِئن ولی ایپچه دِه دئرتر، ایوارده مَرا دینیدی“؟

یوحنا 4:27

هو وقت، عیسی شاگردان جه راه فارسه ئید و ماتا بوستید کی ایتا زنایِ اَمرا گب زنه. ولی هیتّا وانوَرسه ئید «چی خوائی؟» یا «چره اون مرا گب زنی؟»