مَرقُس 9:15 - کتاب مقدس به زبان گیلکی - گویش رشت و غرب گیلان

¹⁵ خلق تا عیسیَ بیده ئید، همتان ماتا بوستید و بُدو بُدو عیسی ورجه باموئید و اونَ سلام بگفتید.

کیتاب مقدّس به گیلکی (رشتی)

¹⁵ او مردومأن هَطو تأ عیسایَ بیده‌ییدی، همه‌تأن قاقَ بوستید و بودُو بودُو بموییدی و اونَ سلام بوگفتید.

Gilaki New Testament

¹⁵ مردوم هطو تأ عیسایَ بیدِده، قأقأنٚ مأنستَن بودووستٚد کی اونَ خوش آمد بٚگد.

کتاب مقدس به زبان گیلکی - گویش شرقی

¹⁵ جَماعت تا عیسی بدِئن، همته ماتَ بوئن و بُدو بُدو عیسی ورجه بومَئن، اونه سلام بوُتَن.

مَرقُس 9:15 ပူးပေါင်းရင်းမြစ်များ

مَرقُس 14:33

و پِطرُس و یعقوب و یوحنای خو مرا ببَرد و خَیلی پریشان و دیل نگران بُبوست و اَشانَ بگفت:

مَرقُس 16:5

وقتی کی مقبره بدرون بُشوئید ایتا جوانَ بیده ئید کی سیفید قبا به تن دَشتی و راست وَر نیشته بو. زناکان اونِ دِئن جا بترسه ئید.

مَرقُس 16:6

اُ جوان اَشان بگفت: «نترسید. شُمان عیسی ناصری دُمبال گردیدی هون کی اونَ مصلوبَ کودید. اون زنده بُبوسته؛ اَیا نئسا. اُ جائی کی اونِ جنازه یَ بَنَه بید فَندرید.

مَرقُس 9:16

عیسی اَشان جا واورسه: «چی باره اوشانَ مرا بحث کونیدی؟»

مَرقُس 9:25

وقتی عیسی بیده کی ایتا دسته بُدو بُدو اُ طرف اَمون دَرید، پلید روحَ تَشَر بزِه و بگفت: «اَی کَر و لال روح، تره دستور دئَم، اون جا بیرون بیا و دِه هرگس اونِ درون نُشو!»