مَرقُس 8:13 - کتاب مقدس به زبان گیلکی - گویش رشت و غرب گیلان

¹³ بازون اَشان جا سیوا بُبوست و ایوارده لوتکایَ بینیشت و اُ طرف آب بُشو.

کیتاب مقدّس به گیلکی (رشتی)

¹³ بأزین جٚه اوشأنٚ ورجأ بوشو و دوواره کرجی‌یَ سوارَ بوسته و بوشو دریاچه او طرف.

Gilaki New Testament

¹³ پس اوشأنَ بٚنأ و لوتکأ بینیشت و بوشؤ دریأچه او طرف.

کتاب مقدس به زبان گیلکی - گویش شرقی

¹³ بازین ایشونِ ورجای بوشو و هنده نوءِ سوار بو، اوطرف آو بُشو.

مَرقُس 8:13 ပူးပေါင်းရင်းမြစ်များ

متّی 15:14

اوشانَ وا بدید. اوشان کورِ رانمائید. اَگه کوری ایتا دیگر کورِ دسَ بیگیره هر دوتا چاه میان دکفیدی»

متّی 7:6

«اونچی کی مُقدّسه، سَگانَ فَندید و شیمی مُرواریدانَ خوکانِ ره فونکونید، نبه کی اوشانَ دَمَجید و واگردید و شمرأ واتلاخانید.

مَرقُس 8:12

عیسی خو دیل جا ایتا آه بکشه و بگفت: «چره اَ نَسل نیشانه دُمبال دَره؟ حئیقتن، شمرأ گَم، هی نیشانه ئی اَ نسلَ فَدَه نخوائه بوستن.»

مَرقُس 8:14

شاگردان خاطرَ شو کی خوشان مرا نان اوسانید، و لوتکا درون ایتا دانه نان ویشتر ناشتید.

لوقا 8:37

پس تمان جِراسیانِ دوروَرِ خلق عیسی جا بخواستید جِه اوشانَ ورجه بشه، چونکی وحشتناک ترسی اوشانِ درون بینیشته بو. عیسی ئم لوتکا بینیشت و واگردست.

یوحنا 12:36

تا زماتی کی نورَ دَریدی، نورَ ایمان باورید تا نورِ زاکان بیبید.» وقتی اَ گبان بگفت، جه اویا بُشو و خورَه اوشانِ جا قایما کود.

یوحنا 8:21

بازون عیسی ایوار ده اوشانَ بگفت: «من شم و شُمان می دُمبال گردیدی، ولی شیمی گُناه درون خوائید مَردن. اویا کی من شم، شُمان نتانید بائید.»

اعمالٚ رسولأن 18:6

ولی وقتی يهوديان پولُس مرا مخالفت بُکودید و عيسیَ فاش بدئید، پولُس اُ شار گرد و خاکَ ضد اوشان خو رخت جا بتاکانه و اوشانَ بگفت: «شیمی خون شیمی گردن ببه! من تخصیر کار نیئَم. بازین پس غیر یهودیانِ ورجه شم.»

اعمالٚ رسولأن 27:2

پس ایتا کشتی کی اَدرامیتینوس شار جا آمون دبو و آسیا ولایت بندران سو شئون دوبو، سوارَ بوستیم و رادکَفتیم. آریستارخوسِ مقدونیم کی تِسالونیکی شین بو اَمی امرا ایسا بو.