مَرقُس 7:6 - کتاب مقدس به زبان گیلکی - گویش رشت و غرب گیلان

⁶ عیسی اوشان جواب بدَه: «اِشَعیای پیغمبر شُمان ریاکاران باره چنقد خُب پیشگویی بُکوده! هُطو کی بینیویشته بُبوسته، «”اَ مردوم خوشانِ زوان اَمرا، مَرا احترام نئیدی، ولی اوشانِ دیلان می جا دوره.

کیتاب مقدّس به گیلکی (رشتی)

⁶ اون جواب بدَه: «اِشعیای نبی در موردٚ شومأن ریاکارأن چی خُب پیشگویی بوکوده! جوری کی بینیویشته بوبوسته: «‹اَ قوم خوشأنٚ زوانٚ اَمرأ مرَ ایحترام نیهیدی ولی اَشأنٚ دیل می جأ دوره.

Gilaki New Testament

^6-7 اوشأنی جوأب دئن رِه عیسا بٚفرمأسته: «اَی جوفتٚ کلک بأزأن، اشعیای پیغمبر دروأره‌یٚ شومأن چی خُب گب بٚزِه کی: "اَ قوم خو زوأنٚ اَمرأ، مٚرَه عیبأدت کونٚده، ولی اَشأنی دیل می جَا دورٚه. اوشأنی عیبأدت بأطیله چونکی اینسأنی رسمأنَ، ایلاهی حوکمأن عوض مردومَ آمؤختٚن دٚرٚده."

کتاب مقدس به زبان گیلکی - گویش شرقی

⁶ عیسی جواب بده: «اِشَعیا پیغمبر شمه ریاکارؤن باره چنی خوب پیشگویی بوده! هیطو که بنویشته بوبؤ، «”ایی قوم خوشونِ زبؤن أمره مَه احتروم نئنَن، امّا ایشونِ دیلون، می جی دور ایسّه.

مَرقُس 7:6 ပူးပေါင်းရင်းမြစ်များ

یوحنا 15:24

اَگه اوشانِ میان کارانی نُکوده بوم کی جغیر من هیکّس نُکوده بو، گُناه ناشتیدی؛ ولی الان، با اَنکی اُ کاران بیده ئید، هم می جا و هم می پئر جا خَفت دَرید.

یوحنا 5:42

ولی شمرأ خُب ایشناسم کی خُدا محبتَ شیمی دیل درون ناریدی.

اعمالٚ رسولأن 28:25

پس هُطوکی همدیگر مرا بُگو مگو کودن دیبید اویا ترکَ کودید. ولی قبل اَنکی اویا ترکَ کونید پولُس خو آخرین گبَ بزه و بگفت: «روح‌القدّس خَیلی دُرُست شیمی پئران مرا گب بزه، هو موقع کی بواسطه اِشعیای پیغمبر بگفت:

دوم تیموتائوس 3:5

ظاهر درون دیندار ولی اونِ قدرتَ حشا کونیدی. اَجور آدمانِ جا دوری بُکون.

تیتوس 1:16

اوشان ادعا داریدی کی خُدایَ ایشناسیدی، ولی خوشانِ کارانِ امرا اونَ حَشا کونیدی. اوشان نفرت‌ انگیز و نافرمان ایسید و هر خُبِ کارِ ره ناجور.