مَرقُس 7:36 - کتاب مقدس به زبان گیلکی - گویش رشت و غرب گیلان

³⁶ عیسی اوشانَ قدغن بُکود کی اَ جریانَ هیکّس ره نگد. ولی هر چی ویشتر اوشانَ قدغن کودی، ویشتر اَ جریان جا گب زئیدی.

کیتاب مقدّس به گیلکی (رشتی)

³⁶ ولی عیسی اوشأنَ قدٚغن بوکوده کی اَ موضوع‌یَ هیکسَ نیگید. ولی هر چی ویشتر اوشأنَ قدغن کودی، ویشتر اونَ پخشَ کودیدی.

Gilaki New Testament

³⁶ عیسا مردومَ بٚفرمأسته کی هیکسٚ رِه هیچی نٚگد، ولی هر چی ویشتر اوشأنَ تأکید کودی، ویشتر خٚوٚرَ پخشٚ کودید.

کتاب مقدس به زبان گیلکی - گویش شرقی

³⁶ عیسی اوشونِ قدغن بوده که ایی اتفاق هیشکسِ به نوگُئن. ولی هر چی بیشتر اوشون قدغن گود، بیشتر ایی اتفاقَ جی گب زِئن.

مَرقُس 7:36 ပူးပေါင်းရင်းမြစ်များ

متّی 8:4

بازین عیسی اونَ بگفت: «واخُب بُبو کی اَ جریانَ هیکّس ره نیگی، ولی بوشو تره کاهنَ نیشان بدَن و تی شفا گیفتنِ ره قربانی ئیَ کی موسی دستور بدَه، پیشکش بُکون تا اوشانِ ره گُوائی ببه.»

مَرقُس 3:12

عیسی اوشان دستور بدَه، تا هیکّسَ نَگَد کی اون کیسه.

مَرقُس 5:43

عیسی اوشانَ قدغَن بُکود و دستور بدَه کی وائانلانید هیکّس اَ جریان جا واخُب ببه، و بگفت ایچی اُ کُرِ فَدید تا بُخوره.

مَرقُس 7:35

هو دَم اُ مرداکِ گوش وازا بو و اونِ جودکی خُبَ بو و بتانسته کی راحت گب بزنه.

مَرقُس 7:37

مردوم کی خَیلی ماتا بوسته بید، گفتیدی: «هر کاری بُکوده، خُبه؛ اون حتی کاری کونه کی کران ایشتاویدی و لالان گب زنیدی!»

مَرقُس 8:26

عیسی اونَ بخانه اوسه کود و بگفت: «حتی اُ آبادی درونم نُشو.»

مَرقُس 9:9

وقتی کی کوه جا بجیر اَمون دیبید، عیسی اوشانَ دستور بدَه کی اونچی بیده بید هیکّسِ ره واگویا نُکونید تا زماتی کی انسان پسر مُرده ئان جا زنده ببه.