مَرقُس 10:43 - کتاب مقدس به زبان گیلکی - گویش رشت و غرب گیلان

⁴³ ولی شیمی میان اَطو نبه. هر کی خوائه شیمی میان پیله ببه، بایسی شیمی خیدمتکار ببه.

کیتاب مقدّس به گیلکی (رشتی)

⁴³ ولی شیمی میأن نوأ اَطویی ببه، بلکی هر کی خوأیه شیمی میأنی پیله کس ببه، وأسی شیمی خادم ببه

Gilaki New Testament

⁴³ ولی شیمی میأن نوأستی اَطو بٚبه، بلکی برعکس اونی کی خأیه شیمی میأن پیله‌تر بٚبه. وأستی همٚتأنٚ خیدمتگوزأر بٚبه.

کتاب مقدس به زبان گیلکی - گویش شرقی

⁴³ امّا شمه میئن ایطؤ نبنه. هر کس خوائنه شمه میئن پیله ببی، باید شمه خدمتکار ببی.

مَرقُس 10:43 ပူးပေါင်းရင်းမြစ်များ

مَرقُس 10:42

عیسی اَشانَ دوخواد و بگفت: «شُمان دانیدی اوشانی کی دیگر مردومانِ حاکمان دوخواده بیدی اَشانِ سر آقایی کونید و اوشانِ پیله تران اَشانَ دستور دیئیدی.

مَرقُس 10:44

و هر کی خوائه شیمی میان اول ببه، بایسی همه کَس نوکر ببه.

مَرقُس 9:35

عیسی بینیشت و اُ دوازده شاگردَ دوخواد و بگفت: «هر‌ کی خوائه اول ببه، بایسی آخر جه همه و همه کَس خیدمتکار ببه.»

لوقا 14:11

چونکی هرکی خورِه پیله بُکونه، پست خوائه بوستن، و هرکی خوره پست بُکونه، پیله خوائه بوستن.»

لوقا 18:14

شمرأ گَم کی اُ مردای نه، بلکی اَ خراجگیر، صالح حیسّاب بُبوست و بخانه بُشو. چونکی هر کی خورِه پیله نیشان بده کوچیک خوائه بوستن و هر کی خورِه کوچیک بُکونه، پیله خوائه بوستن.»

لوقا 22:26

ولی شُمان اَطو نیبید. پیله ترین شیمی میان بایسی کوجی ترینِ مانستن ببه و رهبر بایسی خیدمتکارِ مانستن ببه.

لوقا 9:48

و اوشان بگفت: «هر‌کس اَ زاکَ می نام ره قُبیل بُکونه، مَرا قُبیل بُکوده؛ و هرکس کی مَرا قُبیل بُکونه، اونی کی مَرا اوسِه بُکوده یَ قُبیل بُکوده. چونکی شیمی میان هونی پیله تره کی جه همه تا کوجیتر ببه.»

یوحنا 18:36

عیسی جواب بدَه: «می پادشائی اَ دُنیا شین نیه. اَگه می پادشائی اَ دُنیا شین بو، می خیدمتکاران جنگستیدی تا یهودیان دَس دئنکَفم. ولی می پادشائی اَ دُنیا شین نیه.»

رومیأن 12:2

و دِه اَ دُنیا مانستن نیبید، بلكی شیمی فکرِ تازه بوستنِ مرا، عَوضَ بید. اُ موقع تانیدی خُدا اراده یَ بفهمید، اونِ خب، پسندیده و کاملِ اراده یَ.

غلاطیأن 5:13

چونکی ای براران، شُمان آزادی ره دُخواده بُبوستید. فقط شیمی اَ آزادی جا ایتا فرصتِ مانستن، جسم ره استفاده نُکونید، بلکی محبتِ مرا، همدیگرَ خیدمت بُکونید.