مَرقُس 10:38 - کتاب مقدس به زبان گیلکی - گویش رشت و غرب گیلان

³⁸ عیسی اوشان بگفت: «شُمان نانیدی چی خوائیدی! شُمان تانیدی اُ جامِ جا کی من بایسی بُنوشَمَ، بُنوشید؟ و غسل تعمیدیَ کی من گیرم، بیگیرید؟»

کیتاب مقدّس به گیلکی (رشتی)

³⁸ عیسی اوشأنَ بفرمأسته: «شومأن نأنیدی چی درخوأست کودَن‌دریدی. ینی تأنیدی جٚه او پیاله‌یی کی من خوروم، شومأنم بوخورید و او تعمیدی‌یَ کی من گیرم، بیگیرید؟»

Gilaki New Testament

³⁸ عیسا جوأب بٚدأ: «شومأن نأنیدی چی خأستأندریدی! آیا او رنج و عذأبٚ زرخٚ پیأله جَا کی من وأستی وأخٚوٚرم، شومأنم تأنیدی وأخورید؟ یا کی او رنج و عذأبی کی من وأستی اونی میأن تعمید بیگیرم، شومأنم تعمید بیگیرید؟»

کتاب مقدس به زبان گیلکی - گویش شرقی

³⁸ عیسی اوشونِ بفرماسّه: «شمه نودوئنین چی خوائنین. شمه تینین از او جامی که مو وودوشَنَم، وودوشین؟ و غسل تعمیدی که مو گینم، هَگیرین؟»

مَرقُس 10:38 ပူးပေါင်းရင်းမြစ်များ

متّی 26:39

بازین عیسی ایپیچه پیش بُشو، دیمِ مرا خاک سر بکفت و دُعا بُکود: «اَی می پئر، اَگه بِه اَ جام می جا ردّا به، ولی نه به می خواسته، بلکی به تی خواسته.»

متّی 3:6

و خوشانِ گُنائانَ اعتراف کودید و اُردنِ روخانِ درون اونِ جا غُسل تعمید گیفتید.

مَرقُس 14:36

و بگفت: «ای آبّا، ای پئر، همه چی تره ممکنه. اَ جامَ می جا دورَ کون، ولی نه به می خواسته بلکی به تی خواسته.»

لوقا 12:50

من ایتا تعمید دَرم کی بایسی بیگیرم، و تا اون به انجام فارسه خَیلی پریشانم.

لوقا 22:42

«اَی پئر، اَگه خواست تو اَنه، اَ جامَ می جا دورَ کون؛ ولی نه می خواسته واسی، بلکی تی خواسته انجام ببه.»

یوحنا 18:11

عیسی پطرُسَ بگفت: «تی شمشیرَ غَلافَ کون! مگه نبایسی اُ پیاله یَ کی پئر مَرا فَدَه، بُنوشم؟»

رومیأن 8:26

اَطوئَم خُدا روح اَمی ضعفِ درون اَمی کمک ره اَیه، چونکی نانیم چُطو بایسی دُعا بُکونیم. ولی خُدا روح، عمیقِ ناله ئانِ اَمرا کی نشِه گُفتن، اَمی شفاعتَ کونه.

یعقوب 4:3

اُ موقع ئم کی درخواست کونیدی، فَنگیریدی چون بَدِ نیّت اَمرا درخواست کونیدی تا شیمی هوا و هوس ئان ره استفاده بُکونید.