مَرقُس 1:39 - کتاب مقدس به زبان گیلکی - گویش رشت و غرب گیلان

³⁹ پس عیسی رادکفت و سراسر جلیل ولایت درون، اَشانِ عبادتگائان میان موعظه کودی و دیوانَ دیوبزه ئان جا بیرونَ کودی.

کیتاب مقدّس به گیلکی (رشتی)

³⁹ پس اوشأنٚ اَمرأ رأ دکفته بوشو و کنیسه‌یأنی دورون کی تومامٚ جلیلٚ میأن نهَه‌بو موعظه کودی و دیوأنَ بیرونَ کودی.

Gilaki New Testament

³⁹ پس تومأمٚ جلیلٚ اوستأن سٚفر بوکوده و کنیسه‌یأنٚ میأن آمؤختٚن و مردومٚ رأنمأیی کودنٚ رِه موشغولَ بوسته و پٚلیدٚ روحأنَ آزأریأنٚ جَا بیرونَ کوده.

کتاب مقدس به زبان گیلکی - گویش شرقی

³⁹ پَس عیسی راه دکت، سرتاسر جلیل ولایت میئن، ایشونِ عبادتگاه میئن موعظه گود و دیوؤنِ دیوبزه انه جی بیرون سرادای.

مَرقُس 1:39 ပူးပေါင်းရင်းမြစ်များ

متّی 4:23

جه اَ رو عیسی سر تا سر جلیلَ گردستی و عبادتگائانِ درون مردومَ آموختی و خُدا پادشائی خُبِ خبرَ اعلام کودی و هر جور درد و ناخوشی کی مردوم دَشتیدَ شفا بخشه ئی.

متّی 9:35

عیسی تمانِ شاران و دهاتانِ درون گَردَستی و اوشانِ عبادتگائانِ درون مردومَ آموختی و پادشائی خُب خبرَ دئی و هر ناخوشی و دردیَ شفا بخشه ئی.

مَرقُس 1:21

اوشان کَفَرناحوم شار بُشوئید. وقتی کی مُقدّسِ شنبه روج فارسه، عیسی درجا عبادتگا بُشو و مردوم آموختن ره دَس بکارَ بوست.

مَرقُس 1:23

هو موقع، اوشان عبادتگا میان ایتا مردای ایسابو کی پلید روح دَشتی. اُ مردای داد بزه:

مَرقُس 1:38

عیسی اَشان بگفت: «بائید هه دوروَر شاران درون بیشیم تا اویائم موعظه بُکونم، چونکی اَنِ واسی باموم.»

مَرقُس 3:1

عیسی ایوار دِه عبادتگا بدرون بامو. اویا ایتا مرداک بو کی اونِ ایتا دَس لامَ بوسته بو.

مَرقُس 6:6

اون اوشان بی‌ایمانی جا حَیران بو. بازون، عیسی هو دُوروَر دهاتان درون گردَستی و تعلیم دئی.

مَرقُس 7:30

اُ زنای بخانه فارسه، و بیده کی اونِ زای جیگا سر دراز بکشِه و دیو اونِ جا بیرون بامو دَره.

لوقا 4:41

دیوان ئم خیلیان جا بیرون اَموئید و داد زئید و گفتید: «تو خُدا پسری!» ولی عیسی اوشانَ تشر زئی و وَناشتی گبی بزنید، چونکی دانستید کی مسیح موعوده.