مَرقُس 1:19 - کتاب مقدس به زبان گیلکی - گویش رشت و غرب گیلان

¹⁹ وقتی عیسی ایپیچه پیش بُشو، یعقوب و اون برار یوحنا کی زِبِدی پسران بید بیده کی لوتکا درون خوشانِ ماشکَ حاضیر کودن دیبید.

کیتاب مقدّس به گیلکی (رشتی)

¹⁹ عیسی ایپچه جُلُوتر کی بوشو، یعقوب زِبدی پسر و اونٚ برأر یوحنایَ بیده کی لوتکا دورون خوشأنٚ تورأنَ آمادَه کودَن‌دیبید.

Gilaki New Testament

¹⁹ ایپچه جٚه اویَه جولوتر زبدی پٚسرأن، یعقوب و یوحنایَ فأندرست کی لوتکأ میأن خوشأنی مأشکأنَ چأکون وأکون کودن دیبید.

کتاب مقدس به زبان گیلکی - گویش شرقی

¹⁹ وقتی که عیسی أَنِی پیشتر بُشو، یعقوب و اونه برار یوحنا که زِبِدی ریکئن بوئن بیده که نو میئن خوشونِ سالی أنِ تعمیر کادبُون.

مَرقُس 1:19 ပူးပေါင်းရင်းမြစ်များ

متّی 4:21

عیسی هُطو کی خو رائَ شئون دوبو، دو تا دِه برار بیده، یعنی یعقوب، زِبِدی پسر و اونِ برار یوحنا کی خوشانِ پِئر زِبِدی مرا لوتکا درون ایسابید و خوشانِ ماشکَ حاضیرَ کودن دیبید. اوشانَم دوخواد؛

مَرقُس 1:18

اوشان درجا خوشانِ ماشکَ وِلا کودید و عیسی دُمبالسر رادکفتید.

مَرقُس 1:20

عیسی درجا اَشان دوخواد. اوشانم خوشان پئر زِبِدیَ خو کارگران مرا لوتکا درون وِلا کودید و عیسی دُمبالسر بُشوئید.

مَرقُس 10:35

زِبِدی پسران یعقوب و یوحنا، عیسی ورجه باموئید و بگفتید: «اوستاد، خواهش کونیم اونچی کی تی جا خوائیم، امرا انجام بدی!»

مَرقُس 14:33

و پِطرُس و یعقوب و یوحنای خو مرا ببَرد و خَیلی پریشان و دیل نگران بُبوست و اَشانَ بگفت:

مَرقُس 3:17

یعقوب و یوحنا زِبِدی پسران کی اوشانَ «بوآنِرجِس»، یعنی «گُرخانه پسران» نام بنه؛

مَرقُس 5:37

و وَئنلاشت ده هیکّس جغیر پِطرُس و یعقوب و یعقوب برار، یوحنا اون دُمبال بشه.

مَرقُس 9:2

شش روج بعد، عیسی پِطرُس و یعقوب و یوحنایَ اوساد و اوشانَ خو مرا ایتا بلند کوه جُور ببرد تا تنها بیبید. اویا، اوشانِ جُلُو، عیسی دیم وگردست.

یوحنا 21:2

ایتا روج شَمعونِ پِطرُس، توما کی اونَ دوقلوئم گفتیدی، نَتَنائیل کی جلیل قانای شینه، زِبِدی پسران و دوتا دیگه شاگردم همدیگر مرا ایسابید.

اعمالٚ رسولأن 1:13

وقتی کی اورشلیم شار فارسه ئید، اُ تَلارخانه ئی کی اوشان اقامتگاه بو، بُشوئید. اوشانی کی اویا ایسابید اَشان بید: پِطرُس و يوحنا، يعقوب و آندرياس، فيلپُس و توما، بَرتولْما و مَتّی و يعقوب حَلْفایِ پسر و شَمعون وطن پرست و يهودا يعقوبِ پسر.

اعمالٚ رسولأن 12:2

هیرودیس دستور بدَه یعقوب، یوحنا برارَ شمیشیر اَمرا بُکوشتید،