متّی 9:25 - کتاب مقدس به زبان گیلکی - گویش رشت و غرب گیلان

²⁵ وقتی مردومَ بیرونَ کودید، عیسی بدرون بُشو و کُرِ دَسَ بیگیفت و کُر ویریشت.

کیتاب مقدّس به گیلکی (رشتی)

²⁵ وختی مردومأنَ بیرونَ کودیدی، عیسی بودورون بمو و دُخترٚ دسَ بیگیفته و دُختر ویریشته.

Gilaki New Testament

²⁵ آخرپٚسی کی مردومَ بیرونَ کودٚد، عیسا بوشؤ بودورون، او دوخترئکٚ دٚسَ بیگیفته، کؤر جٚه خو جأ سٚر ویریشت.

کتاب مقدس به زبان گیلکی - گویش شرقی

²⁵ وختی مردومِ بیرونَ گودَن، عیسی دیرون بوشؤ و لاکؤکه دستِ بِیته و اونم ویریسا.

متّی 9:25 ပူးပေါင်းရင်းမြစ်များ

مَرقُس 1:31

عیسی پِطرُس زن مار سر جُور بُشو و اونِ دَسَ بیگیفت، و اونَ ویریزانه. پِطرُس زن مارِ تب قَطا بوست و اوشان جا پذیرائی بُکود.

مَرقُس 5:41

عیسی کُرِ دَسَ بیگیفت و اونَ بگفت: «تالیتا، کُوم! یعنی: «اَی کوجی کُر، تره گَم ویریز!»

مَرقُس 8:23

عیسی اُ کور مرداکِ دَسَ بیگیفت و اونَ آبادی جا بیرون ببَرد. بازون اونِ چومان سر فیلّی فکود و خو دَسَ اونِ سر بَنه و واورسه: «هیچی دینی؟»

مَرقُس 9:27

ولی عیسی رِکِ دَسَ بیگیفت، اونَ ویریزانه، و اُ رِی بپا بئسا.

لوقا 8:54

ولی عیسی اُ کُر دَستَ بیگیفت و بگفت: «آی کُر، ویریز!»