متّی 9:16 - کتاب مقدس به زبان گیلکی - گویش رشت و غرب گیلان

¹⁶ هیکّس تازه پارچه یَ ژندره رخت مرا پینیک نزنه، چونکی اَ پینیک، رختِ جا بکَنده بِه و ویشتر پاره بِه.

کیتاب مقدّس به گیلکی (رشتی)

¹⁶ هیچکی تازه پارچه‌یَ کهنه لیباسٚ سر پینیک نزنه، چونکی بأزین او پینیک، لیباسٚ جأ سیوأ به و اونٚ پاره‌گی بدترَ به.

Gilaki New Testament

¹⁶ «هیکس بوبوخوسته لیوأسَ، تأزه پأرچه‌یی کی هنو آب نوشؤکٚ اَمرأ، پینیک نٚزنه، چون وختی کی او پینیک آب بوشؤ، او کُئنه لیوأسٚ جَا بٚکنده به، و اونی پأرَه جیگأ ویشترَ به.

کتاب مقدس به زبان گیلکی - گویش شرقی

¹⁶ هیشکس تازه پارچه​، کهنه رختِ پینَک نزِئنه، چونکه پینَک رختَ جی بکَنده بنه و پئرَه​گی بدتره‌ بنه.

متّی 9:16 ပူးပေါင်းရင်းမြစ်များ

متّی 9:15

عیسی جواب بدَه: «مگه بِه عروسی مِیمانان تا اُ زمات کی دولید اَشانِ اَمرایه، عزاداری بُکونید؟ ولی زماتی خوائه فارسِئن کی دولید اَشانِ جا فیگیفته بِه، اُ زمات روزه خوائید گیفتن.

متّی 9:17

و تازه شراوَم کُهنه خیکان درون دُنکونیدی، چونکی خیکان واتلاخیدی و شراو فیوه و خیکان از بین شیدی. تَازه شراوَ تازه خیکان درون دُکونیدی تا هر دو، سالم بمانید.»

مَرقُس 2:21

«هیکّس آب نُشو پارچه یَ ژِندره رخت مرا پینیک نزنه. اَگه اَطو بُکونه، پینیک اون جا بکَنده بِه، تازه پارچه ژندره رخت جا سیوا بِه، و اون پارگی بَدتَرَ بِه.

لوقا 5:36

پس اَ نقلَ اَشان ره باورد: «هیکّس تیکه ئی تازه رخت جا وانبینه تا اونَ ژِندره رخت مرا پینیک بزنه. چونکی اَگه اَطو بُکونه، هم تازه رختَ پاره کونه و هم تازه پارچه ژِندره رختِ سر پینیکی ایسه ناجور.

یوحنا 16:12

«خَیلی چیان دِه دَرم کی شمرأ بگم، ولی الان طاقت اونِ ایشتاوستن نارید.

اوّل قرنتیان 13:13

پس هسّا، اَ سه تا مانه: ایمان، اُمید و محبت. ولی اَشان میان محبت پیله ترینِ.

دوم قرنتیان 9:12

چونکی اَ خیدمت، نه فقط مُقدّسینِ احتیاجاتَ برطرف کونه، بلکی باعث به خَیلیان، خُدایَ بی حد و حساب شُکر بُکونید.