متّی 9:13 - کتاب مقدس به زبان گیلکی - گویش رشت و غرب گیلان

¹³ بیشید و اَ گفتارِ معنیَ بفهمید کی ”رحمتَ خوائم، نه قربانیَ.“ چون من ناموم کی صالحانَ، بلکی گُناکارانَ دعوت بُکونم.»

کیتاب مقدّس به گیلکی (رشتی)

¹³ بیشید و اَ کلامٚ معنی‌یَ بفهمید کی: ‹من رحمت خوأیم، نه قوربانی›، چونکی نَموم تا دوروستکارٚ آدمأنَ به توبه دعوت بوکونم، بلکی اوشأنی کی گوناهکاریدی.»

Gilaki New Testament

¹³ بأزون بوگفته: «بیشید ایپچه در موردٚ اَ کلام فیکر بوکونید کی فٚرمأیه: "من شیمی جَا اینتظأر دأرم رحم بٚدأرید، نه اَنکی قوربأنی فأدید" چونکی من بأمؤم کی گونأکأرأنَ توبه رِه دعوت بوکونم، نه اوشأنی کی خوشأنَ عأدیل دأنده!»

کتاب مقدس به زبان گیلکی - گویش شرقی

¹³ بشین و معنی ایی کلامِ بفهمین که، ”رحمت خوائنم، نه قربؤنی.“ چونکه مو صالحونِ واسه نومَئم بلکه بومَئم گناهکارونِ دعوت بکونم.»

متّی 9:13 ပူးပေါင်းရင်းမြစ်များ

متّی 12:3

عیسی جواب بدَه: «مگه نخواندیدی کی داوود چی بُکود، هو موقع کی خودِش و اونِ یاران ویشتا بید؟

متّی 12:5

مگه توراتِ بینیویشته ئانَ نخواندید کی، شنبه ئانِ درون، کاهنان، معبدِ میان، شنبه حُرمتَ ناریدی ولی با اَن همه تخصیرکار بحساب نَئیدی؟

متّی 12:7

اَگه اَ گفتارِ معنیَ فهمستیدی کی ”رحمتَ خوائم، نه قربانیَ،“ دِه تخصیرکارانَ محکوم نُکودیدی.

متّی 19:4

عیسی جواب بدَه: «مگه توراتِ درون نخواندیدی اونی کی اوشانَ خلق بُکوده جه اول اوشانَ مرد و زن بساخته،

متّی 21:42

بازون عیسی اوشانَ بگفت: «مگه تا به الان زبورِ کتابِ درون نخوانده ئید کی، ”سنگی کی بنّایان ردَّ کودید، مهمترین سنگ بُبوست. اَن خُداوندِ کاره و اَمی نظرِ درون عجایب غرایبه“؟

متّی 3:2

گفتی: «توبه بُکونید، چونکی آسمانِ پادشائی نزدیکه!»

متّی 3:8

پس شیمی کارانِ مرا نیشان بدید کی راست راستی توبه بُکودید

متّی 4:17

عیسی جه اُ زمات بنا بُکود موعظه کودن و گُفتی: «توبه بُکونید، چونکی آسمانِ پادشائی نزدیکه!»

مَرقُس 12:26

ولی مُردئان زنده بوستن باره، مگه موسی کتاب درون نخواندید کی گُمرا جریان درون، خُدا چُطو اونَ بگفت: ”مَن ایسم ابراهیم خُدا و اسحاق خُدا و یعقوب خُدا“؟

مَرقُس 12:33

و خدایَ تمان دیل و تمان عقل و تمان تی قوّت اَمرا دوست داشتن و تی هَمسادِه یَ هُطو خودت مانستن دوست داشتن، جه همه پیشکشان و تمانسوج قربانیان مهمتره.»

مَرقُس 2:17

عیسی وقتی اَ گب بیشتاوست اَشان بگفت: «ناخوشان ایسید کی مختاج طبیبید، نه جان ساقان. من ناموم تا صالحانَ دعوت بُکونم بلکی باموم گُناکارانَ دعوت بُکونم.»

لوقا 10:26

عیسی اون بگفت: «تورات درون چی بینیویشته بُبوسته؟ اون جا چی فهمی؟»

لوقا 19:10

چونکی انسان پسر، بامو تا اَویرَ بوسته ئانَ وامُجه و نیجات بَده.»

لوقا 24:47

و اونِ نام مرا توبه و گنائانِ آمرزش تمانِ مردوم ره موعظه به و اورشلیم جا بنا خوائه بوستن.

لوقا 5:31

عیسی اوشان جواب بدَه: «ناخوشان ایسید کی مختاج طبیبید، نه جان ساقان.

لوقا 5:32

من صالحان واسی ناموم، بلکی باموم گُناکارانَ توبه کودن ره، دعوت بُکونم.»

یوحنا 10:34

عیسی اوشانَ جواب بدَه: «مگه شیمی شریعت درون نامو کی ”من بگفتم، شُمان خُدایانید“؟

اعمالٚ رسولأن 11:18

هَطوکی اوشان اَ گبانَ بیشتاوستید، تام بزه ئید و خُدایَ جلال بدَئید و بگفتید: «پس خُدا غیر یهودیانم اَ فرصتَ ببخشه کی خوشانِ گُنائان جا توبه بُکونید و ابدی زیندگیَ بدَس باورید!»

اعمالٚ رسولأن 2:38

پِطرُس اَشانَ بگفت: «توبه بُكونيد و هرتا جه شُمان شیمی گُنائانِ ببخشه بوستن ره عیسی مسیح نام مرا غُسل تعمید بیگیرید و روح القدّسِ عطا یَ خوائید فیگیفتن.

اعمالٚ رسولأن 20:21

هم یهودیان و هم یونانیانَ، شهادت بدَم کی بایسی توبه بُکونید و خُدا سو واگردید و اَمی خُداوند عیسی مسیحَ ایمان باورید.

اعمالٚ رسولأن 3:19

پس توبه بُکونید و خُدا سمت واگردید تا شیمی گُنائان پاکَ به،

اعمالٚ رسولأن 5:31

و خُدا اونَ خو راس دس ور بُجور بَبرده، رهبر و نیجات دئنده بُکوده و فرصت بدَه تا یهود مردوم توبه بُکونید و اوشانِ گُنائان ببَخشه ببه.

دوم پطرس 3:9

بَرخلافِ بعضیانِ گُمان، خُداوند خو انجام دَئنِ واده درون دیرَ نُکونه، بلکی شیمی امرا صبورِه، چونکی نخوائه هیکَس هلاکَ به، بلکی خوائه همه توبه بُکونید.