متّی 22:19 - کتاب مقدس به زبان گیلکی - گویش رشت و غرب گیلان

¹⁹ اُ سکه یَ کی اونِ مرا خراج فَدیدی، مَرا نیشان بدید.» اوشان ایتا یه دیناری سکه اونَ فَدَه ئید.

کیتاب مقدّس به گیلکی (رشتی)

¹⁹ ایتأ سکه کی شیمی مالیاتَ اونٚ اَمرأ فدیدی، مرَ نیشأن بدید.» اوشأن ایتأ سکه‌یٚ یک دیناری عیسایَ فدَه‌ییدی.

Gilaki New Testament

¹⁹ ایتأ جٚه او سکه‌یأنَ کی اونی اَمرأ مألیأت فأدیدی، مٚرَه نیشأن بدید.» ایتأ سکه اونَ فأدأده.

کتاب مقدس به زبان گیلکی - گویش شرقی

¹⁹ او سکّه​ای‌ که باید اونه اَمره خراج هَدَین، مَه نیشون بدین. اوشؤن یکته سکّه یک دیناری عیسی هَدَن.»

متّی 22:19 ပူးပေါင်းရင်းမြစ်များ

موکأشفه 6:6

و اُ چارتا زنده مخلوقِ ميان ایچی ایتا اوخانِ مانستن بيشتاوستم كی گفتی: «ايتا عیار گندم یه دینار و سه تا عیار جو یه دینار. ولی روغن و شرابَ ضَرر نزن!»

متّی 20:2

صاحاب باغ اوشانِ مرا طِی بُکود کی هر روج ایتا دینار کی ایتا روجِ کارِ دستمُزد انگورباغِ درون بو، هرتایَ فَده. بازون اَشانَ خو انگورباغ روانه کود.

متّی 18:28

ولی وقتی کی خیدمتکار بیرون بُشو، ایتا جه خو همکارانَ بیده کی صد دینار کی سه ماه اونِ دستمُزدِ اَندر بو اونِ قرضار بو. پس اونَ بیگیفت و اونِ گولیَ فشار بدَه و بگفت: ”تی قرضَ فَدَن!“

متّی 17:25

پِطرُس جَواب بدَه: «پس چی کی فَدِه!» وقتی پِطرُس بخانه بامو، پیش جه اَنکی ایچی بگه، عیسی اونَ بگفت: «اَی شَمعون، دُنیا پادشائان، کی ئانِ جا باج و خراج فیگیریدی؟ جه خوشانِ مردوم، یا غریبه ئانِ جا؟ چی گی؟»

متّی 22:18

عیسی کی اوشانِ پلیدِ نقشه یَ دانستی جواب بدَه: «اَی ریاکاران، چره مَرا امتحان کودن دَرید؟

متّی 22:20

عیسی اَشانِ جا واورسه: «نام و نیشان اونِ رو، کی شینه؟»

مَرقُس 12:16

اوشان ایتا سکه‌ باوردید. عیسی اَشانِ جا واورسه: «نام و نیشان اونِ رو کی شینه؟» اوشان جواب بدَه ئید: «امپراطورِ شین.»