متّی 16:14 - کتاب مقدس به زبان گیلکی - گویش رشت و غرب گیلان

¹⁴ اوشان جواب بدَه ئید: «بعضیان گیدی تعمید دَئنده یحیی یه. و بعضی دیگه ئم گیدی ایلیای پیغمبره، و دسته ئیَم گیدی اِرمیا یا ایتا جه پیغمبرانه.»

کیتاب مقدّس به گیلکی (رشتی)

¹⁴ اوشأن جواب بدَه‌ییدی: «بعضی‌یأن گیدی یحیایٚ تعمیددهنده‌یه. بعضی‌یأن گیدی ایلیاسٚ نبی‌یه، و تعدادی‌یم گیدی اِرمیایٚ نبی یا ایتأ جٚه پیغمبرأنٚ دیگره.»

Gilaki New Testament

¹⁴ جوأب بٚدأده: «بعضیتأن گٚد، یوحنا ایسه کی تعمید دٚئی؛ بعضیتأنٚم گده ایلیا، یا ارمیا و ایتأ دِه جٚه پیغمبرأن ایسه کی دووأره ظوهور بوکوده.»

کتاب مقدس به زبان گیلکی - گویش شرقی

¹⁴ اوشؤن جواب بدئَن «بعضی ان گونَن تعمید دهنده یحیی ایسه. بعضی دیگه ام گونَن ایلیا ایسه، و تعدادی أم گونَن اِرِمیا یا یکته از پیغمبرونِ.»

متّی 16:14 ပူးပေါင်းရင်းမြစ်များ

متّی 14:2

و اوشانیَ کی اونَ خیدمت کودن دیبید بگفت: «اَن تعمید دَئنده یحیی یِ کی مُرده ئانِ جا ویریشته و اَنِ واسیِ کی اَ مُعجزه ئان، اونِ جا آشکارَ بِه.»

متّی 16:15

عیسی واورسه: «ولی شُمان چی گیدی؟ شُمان فیکر کونیدی من کیسم؟»

متّی 17:10

شاگردان عیسی جا واورسه ئید: «پس چره توراتِ آموجگاران گیدی کی اول بایسی ایلیایِ پیغمبر بایه؟»

متّی 3:1

اُ روجانِ درون تعمید دَئنده یحیی، ظهور بُکود. اون یهودیه ویاوانِ درون، موعظه کودی و

مَرقُس 6:15

بقیه گفتیدی: «‌ایلیایه پیغمبره.» بعضیانَم گفتیدی: «اون ایتا پیغمبر، قدیمِ پیغمبران مانستن.»

مَرقُس 8:28

اوشان جواب بدَه ئید: «بعضیان گیدی تعمید دئنده یحیائی، بعضیان گیدی ایلیای پیغمبری و بعضی دیگه ئم گیدی ایتا جه پیغمبران ایسی.»

لوقا 9:8

بعضیان دِه گفتید ایلیای پیغمبر ظهور بُکوده، و بعضیانم گفتید ایتا جه قدیم پیغمبران زنده بُبوسته.

یوحنا 1:21

واورسه ئید: «پس کیسی؟ ایلیای پیغمبر ایسی؟» اون جواب بدَه: «نیئم.» واورسه ئید: « تو اُ پیغمبری ایسی کی بایستی بایه؟» جواب بدَه: «نه!»

یوحنا 7:12

مردومِ میان عیسی باره خَیلی حرف دکفته بو. بعضیان گفتید: «ایتا خُرم مرداکه.» ولی بعضی دیگه گفتیدی: «نه! مردومَ جه راه بِدَر کونه.»

یوحنا 9:17

پس ایوار دِه اوشان اُ کور مرداکِ جا واورسه ئید: «تو اونِ باره چی گی؟ چونکی اون تی چومانَ وازا کود.» اُ مرداک جواب بَده: «اون ایتا پیغمبره.»