متّی 14:6 - کتاب مقدس به زبان گیلکی - گویش رشت و غرب گیلان

⁶ ولی وقتی هیرودیسِ جشنِ تولدِ درون، هیرودیا کُر رقص بُکود و اونِ رقص هیرودیسِ دیلَ شادَ کود

کیتاب مقدّس به گیلکی (رشتی)

⁶ هیرودیسٚ جشنٚ تولدٚ روزٚ رِه، هیرودیا دُختر، مجلسٚ میأن اَنقدر قشنگ رقص بوکوده کی هیرودیسٚ دیلَ شادَ کوده،

Gilaki New Testament

⁶ ولی هیرودیسٚ تولدٚ رِه، هیرودیا دوختر ایجور رقص بوکوده کی هیرودیسَ خٚیلی خوشألَ کوده،

کتاب مقدس به زبان گیلکی - گویش شرقی

⁶ ولی وختی هیرودیسِ جشنِ تولّد روز میئن، هیرودیا لاکوی مجلس میئن برقصه و اونه رقص هیرودیس دیل شادَ گوده

متّی 14:6 ပူးပေါင်းရင်းမြစ်များ

متّی 14:3

چونکی هیرودیس، هیرودیا واسی کی اونِ برار، فیلیپُسِ زن بو، یحییَ بیگیفته و اونَ دوَسته و خولتانکِ درون تَوَدَه بو.

متّی 14:7

قسم بُخورد هر چی بخوائه اونَ فَدِه.

متّی 22:24

بگفتید: «اوستاد، موسیِ پیغمبر امرا بگفته کی اَگه ایتا مردای بی‌ زای بیمیرِه، اونِ برار بایسی اونِ زنَ به زنی بیگیره تا اونِ جا خو برار ره نَسلی باقی بنِه.

مَرقُس 6:14

هیرودیسِ پادشا اَ جریانَ بیشتاوست، چونکی عیسی سرشناس بُبوسته بو. بعضی جه مردوم گفتیدی: «اَ مردای هو تعمید دئنده یحیی یه کی مُرده ئانِ جا زنده بُبوسته. اَنه واسیه کی تانه اَجور مُعجزه ئان انجام بده.»

مَرقُس 6:17

چونکی هیرودیس دستورِ اَمرا بو کی یحییَ بیگیفتید و اونَ دوَستید و خولتانک درون تَوَدَه بید. هیرودیس اَ کارَ هیرودیا خاطری بُکوده بو. هیرودیا فیلیپس زن بو کی هسّا هیرودیس اونَ به زنی بیگیفته بو. هیرودیس فیلیپسِ برار بو.

مَرقُس 6:19

پس هیرودیا یحیی جا کینه بِه دیل دَشتی و خواستی اونَ بُکوشه، ولی نتانستی.

مَرقُس 8:15

عیسی اوشانَ تشر بزه و بگفت: «واخُب بیبید، فَریسیان و هیرودیس خمیر مایه جا دوری بُکونید.»

لوقا 13:31

اُ وقت درون، چن نفر جه فَریسی فرقه عالمان عیسی ورجه باموئید و بگفتید: «اَیا تَرکا کون و ایجا دیگر بوشو، چونکی هیرودیس خوائه تره بُکوشه.»

لوقا 23:11

هیرودیس و اون سربازانم عیسیَ بی احترامی بُکودید و دَسپَر گیفتید. بازون ایتا شائانه قبا اونَ دُکودید و پیلاتُس ورجه واگردانه ئید.

لوقا 23:7

و چون بفهمست کی هیرودیسِ حُکمرانی منطقه شینه، عیسیَ، اون ورجه اوسه کود، چونکی هیرودیس اُ موقع اورشلیم درون ایسابو.

لوقا 3:1

پانزدهمین سالِ حکومت تیبِریوس امپراطورِ روم، اُزمات کی پُنتیوس پیلاتُس یهودیه فرماندار بو، هیرودیس جلیلِ حاکم، و اون برار فیلیپُس ایتوریه و تْراخونیتیسِ حاکم، لیسانیوس آبیلینی حاکم،

لوقا 3:19

ولی چونکی هیرودیسِ حاکم، خو برار زن باره هیرودیا و شُرورکارانیَم کی بُکوده بو و یحیی اونه تَشر بزه،

لوقا 8:3

یوآنّا خوزا زنانه، هیرودیس مباشیر، سوسن و خَیلی ده زناکان کی خوشان دارائی مرا عیسی و اونِ شاگردانِ خیدمت کودید.

اعمالٚ رسولأن 12:1

هو زمات درون، هیرودیس پادشاه بنا بُکود، بعضی جه کلیسا آدمانَ اذیت و آزار کودن.

اعمالٚ رسولأن 4:27

راس راسی کی هه شار درون، هیرودیس حاکم و پُنتیوس پیلاتُس، غیر یهودیان و یهودیانِ اَمرا، ضِّد تی مُقدّسِ خادم عیسی کی تو اونَ مسح بُکودی همدس بُبوستید،