لوقا 9:20 - کتاب مقدس به زبان گیلکی - گویش رشت و غرب گیلان

²⁰ هه موقع عیسی اوشان جا واورسه: «شُمان چی؟ شُمان مَرا کی دانیدی؟» پِطرُس جواب بدَه: «تو هومسیحِ موعودِ خُدائی.»

کیتاب مقدّس به گیلکی (رشتی)

²⁰ عیسی اوشأنٚ جأ وأورسه: «شومأن مرَ کی دأنیدی؟» پطرس وأگردسته بوگفته: «تو مسیحٚ خودایی.»

Gilaki New Testament

²⁰ بأزون اوشأنی جَا وأوٚرسِه: «شومأن چی؟ شومأن مٚرَه کی دأنید؟» پطرس جوأب بٚدأ: «تو خودا مسیح ایسی!»

کتاب مقدس به زبان گیلکی - گویش شرقی

²⁰ هی موقع عیسی ایشونای بپورسه: «شمه چی؟ شمه مَه کی دؤنین؟» پِطرُس جواب بَدَه: «تو هو مسیح موعود خُدا ایسی.»

لوقا 9:20 ပူးပေါင်းရင်းမြစ်များ

متّی 22:42

«شیمی نظر مسیحِ موعودِ باره چیسه؟ اون کی پسره؟» اوشان جواب بدَه ئید: «داوود پادشا پسر.»

متّی 26:63

ولی عیسی هَطو ساکت بأسا. پیله کاهن اون بگفت: «تره قسم دئم به خُدای زنده کی اَمَره بُگو اَگه تو مسیح موعودی، خُدا پسر.»

متّی 5:47

و اَگه فقط شیمی برارانَ سلام بیگید، دیگرانِ جا چی سرتری دَریدی؟ مگه حتی بُت پرستِ مردومانم، هه کارَ نُکونیدی؟

مَرقُس 14:61

ولی عیسی هُطو ساکت بئسا و جوابی ندَه. ایوار ده پیله کاهن اون جا واورسه: «تو مسیح موعود، خُدای متوراک پسری؟»

مَرقُس 8:29

عیسی اوشان جا واورسه: «ولی شُمان گیدی من کیسم؟» پِطرُس جواب بدَه: «تو مسیح موعودی.»

لوقا 22:67

«اَگه تو مسیح موعودی، امرا بُگو.» ولی عیسی جواب بدَه: اَگه بگم، می گبَ واوَر نخوائید کودن،

لوقا 9:19

جواب بدَه ئید: «بعضیان گیدی تعمید دئنده یحیائی، بعضیانِ دیگه گیدی ایلیای پیغمبری، و بعضیانم تره ایتا جه قدیمی پیغمبران دانیدی کی زنده بُبوسته.»

یوحنا 1:41

اون اول، خو برار شَمعونَ بیافت و اونَ بگفت: «اَمان ماشیَحِ موعودَ بیافتیم، هو مسیح موعودِ.»

یوحنا 1:49

نَتَنائیل جواب بدَه: «اوستاد، تو خُدا پسری! تو اسرائیل پادشائی!»

یوحنا 11:27

مارتا بگفت: «بله، آقا، من ایمان باوردم کی تو مسیح موعودی، خُدا پسر، هون کی بایسی اَ دُنیا درون بامو بی.»

یوحنا 20:31

ولی هن قَدر بینیویشته ببُوسته تا ایمان باورید کی عیسی هو مسیح موعودِ، خُدا پسره، و اَ ایمان مرا، اون نام درون ابدی زیندگی بدَرید.

یوحنا 4:29

«بائید ایتا مرداکَ بیدینید کی هر چی تا هسّا بُکوده بوم، مَرا بگفته. بِه کی اون مسیح موعود ببه؟»

یوحنا 4:42

اَشان اُ زناکَ بگفتید: «دِه فقط تی گب واسی نیه کی ایمان اَوریم، چونکی خودمان اونِ گبان بیشتاوستیم و دانیم کی حئیقتن اَ مردای دُنیا نیجات‌ دَئنده یه.»

یوحنا 7:41

الباقی گفتید: «مسیح موعود ایسِه.» ولی ایتا دیگه دسته واورسه ئید: «مگه مسیح جلیل ولایت جا خوائه اَمون؟

اعمالٚ رسولأن 17:3

و اَشان ره توضیح دَئی و دلیل اَوردی کی مسیح لازمه رنج بکشه و مُرده ئان جا زنده ببه. اون گفتی: «اَ عیسی کی اونَ شمرأ اعلام کودن درم، هو مسیح موعود.»

اعمالٚ رسولأن 8:36

هُطوکی پیش شئون دیبید، ایتا جا کی آب دَشتی فارسه ئید. اُ خواجه بگفت: «فندر، اَنَم آب! هسّا چی تانه می غسل تعمید گیفتن جُلُویَ بیگیره؟»

اعمالٚ رسولأن 9:22

ولی شائول روز به روز ویشتر قوت گیفتی و دَلیلانی آوردی کی نشاستی اوشانَ رَدَّ کودن و دمشق یهودیانَ به زانو توَدَئی و ثابت کودی کی عیسی، هو مسیح موعود ایسه.

اوّل یوحنا 5:1

هركَس ايمان دَره کی عيسی هو مسيحِ موعودِ، خُدا جا بزا بُبوسته دَره؛ هرکَس پئرَ دوست دَره، اونِ زاکم دوست دَره.