لوقا 7:29 - کتاب مقدس به زبان گیلکی - گویش رشت و غرب گیلان

²⁹ تمان خلق کی اَ گبانَ بیشتاوستید، حتی خراجگیران، بگفتید کی خُدا عادلِ، چونکی یحیی دَس جا تعمید بیگیفته بید.

کیتاب مقدّس به گیلکی (رشتی)

²⁹ تومامی‌یٚ مردوم، حتی باج و خراجگیرأن، وختی کی عیسی گبأنَ بیشتأوستیدی، خودایَ اونٚ عیدالتٚ وأسی شوکر بوکودید و خوشحال بید کی یحیی دسٚ جأ تعمید بیگیفته‌بید.

Gilaki New Testament

²⁹ «تومأمٚ اوشأنی کی یوحنا پیغأمَ بشتأوستٚد، حتّا باج‌فأگیرأن، خودا خأسته جَا تسلیم بوبوستده، و اونی دٚسٚ جَا تعمید بیگیفتٚد.

کتاب مقدس به زبان گیلکی - گویش شرقی

²⁹ همۀ مَردمونی که ایی گبؤن بشتؤسَن، حتی خراجگیرون، بوتَن که خُدا عادلِ، چونکه یحیی دَس امره تعمید بِیته بُن.

لوقا 7:29 ပူးပေါင်းရင်းမြစ်များ

متّی 5:46

اَگه فقط اوشانیَ محبت بُکونید کی شمرأ محبت کونید، چی پاداشی خوائید داشتن؟ مگه حتی خراجگیرانم هه کارَ نُکونیدی؟

لوقا 20:6

اَگه ئم بیگیم آدمی جا بو، مردوم همتان اَمَره سنگسار خوائید کودن، چون اَ بَاورَ دَریدی کی یحیی پیغمبر بو.»

لوقا 3:12

خراجگیرانم باموئید تا تعمید بیگیرید. اوشان اونِ جا واوَرسه ئید: «اوستاد، اَمان چی بُکونیم؟»

لوقا 7:28

شمرأ گَم کی هیکّس پیله تر جه یحیی مار جا بزا نُبوسته ولی خُدا پادشائی درون،کوجی ترین اونِ جا پیله تره.»

لوقا 7:35

ولی اونچی کی عقل و حیکمت جا به بار اَیه نیشان دئه کی اُ عقل و حیکمت درستِ یا نه.»

اعمالٚ رسولأن 18:25

خُداوندِ راه درون تعلیم بیگیفته بو و شور و شوق مرا گب زِئی و عیسی باره دُرُست تعلیم دَئی، هر چن کی فقط جه یحیی تعمید خبر دَشتی.

اعمالٚ رسولأن 19:3

پولُس اوشانَ بگفت: «پس، چه جور غُسل تعمیدی بیگیفتید؟» اوشان بگفتید: «یحیی تعمیدَ.»

رومیأن 10:3

چون اُ صالحی واسی کی خُدا جا ایسه نفهمستید، و هنه واسی کی خوشانِ صالحی ثابت کودن دُمبال بید، اُ صالحی جُلو کی خُدا جا ایسه، خوشان سرَ بجیر ناوردید.

موکأشفه 15:3

و اوشان خُدا خادم، موسی سرود، و بَرّه سرودَ خوانديد و گفتیدی: «تی کاران پیله و عجیبِ، اَی خُداوندْ خُدای قادرِ مطلق تی رائان چنقدر عدل و حقِّ، اَی ملتّانِ پادشاه.

موکأشفه 16:5

و بيشتاوستم اُ فیریشته کی آبانِ اختیار اونَ فَدَه بُبوسته بو، بگفت: «اَی قدّوس، تو عادلی، تو کی ایسائی و ایسابی، چونکی اَ مجازاتَ تو باوردی.