لوقا 6:27 - کتاب مقدس به زبان گیلکی - گویش رشت و غرب گیلان

²⁷ «ولی اَی شُمان کی گوش کونیدی، شمرأ گَم، شیمی دُشمندانَ محبت بُکونید و اوشانیَ کی شیمی جا اَشانَ خَفتَ گیره، خُبی بُکونید.

کیتاب مقدّس به گیلکی (رشتی)

²⁷ «شومأن کی می گبأنَ گوش کودَن‌دریدی، شمرَ گم کی شیمی دوشمنأنَ موحبت بوکونید و اوشأنی‌یَ کی شیمی جأ نیفرت دأریدی خُبی بوکونید.

Gilaki New Testament

²⁷ «امّا شومأن همٚتأنی کی می گبأنَ ایشتأوید، گم کی شیمی دوشمنأنَ دوس بٚدأرید و او کسأنی‌یَ کی شیمی جَا نیفرت دأرٚده، خُبی بوکونید.

کتاب مقدس به زبان گیلکی - گویش شرقی

²⁷ «امّا اَی شمه که گوش دائدرین، شیمه به گونم که شیمه دُشمنونَم محبت بکونین و اوشؤنی که پیراسّه بو منِیئن، خوبی بُکُونین.

لوقا 6:27 ပူးပေါင်းရင်းမြစ်များ

مَرقُس 4:24

بازین عیسی دُمباله بدَه و بگفت: «مواظب بیبید کی چی ایشتاویدی. هو عیار مرا کی بکِشید، شمرأ بکِشه بِه، و حتی ویشترم عوض گیریدی.

لوقا 23:34

عیسی بگفت: «اَی پئر، اَشان ببخش، چونکی نانید چی کودن دَرید.» هو موقع اوشان قُرعه تَوَدَه ئید تا عیسی رختَ خوشان میان سَام بُکونید.

لوقا 6:22

«خوشا به شیمی حال بازون کی مردوم، انسانِ پسر واسی، شیمی جا خَفت بدَرید و شمرأ جه خوشان جَم بیرون تَوَدید و فاش بدید و اسم بندامی بزنید.

لوقا 6:35

ولی شُمان، شیمی دُشمندان محبت بُکونید، خُبی بُکونید، و بی اونکی بدانید شمرأ واگردانیدی، دَس قرض فادید، چونکی شیمی پاداش پیله یه و خُدای متعالِ زاکان خوائید بوستن، چونکی خُدا ناشُکران و شرورانِ مرا مهربانه.

لوقا 8:15

ولی دانه ئانی کی خُبِ زمین سر فیوه، اوشانی ایسید کی کلامَ ایشتاوید و دیلی پاک و خُب مرا اونَ قایم دَرید و صبر و تحمل مرا بار اَوردیدی.

لوقا 8:18

پس دِقّت بُکونید کی چُطو ایشتاویدی، چون اونکی دَره اونه ویشتر فدَه به و اونکی ناره، هونیم کی خیال کونه دَره، اون جا فیگیفته به.»

لوقا 8:8

ولی ایپچه جِه دانه ئان خُب زمینِ سر فووست و سبزا بوست و صد چندان بار باورد.» وقتی کی عیسی اَ نقلَ تمانَ کود، بلندِ صدا مرا بگفت: «هر‌کی گوش دَره ایشتاوستن ره، بیشتاوه!»

اعمالٚ رسولأن 10:38

و خُدا چُطو عيسیِ ناصریَ، روح‌القدّس و قوّت اَمرا مسح بُکود. هُطوکی همه جا گردستی و خُب کاران کودی و تمان اوشانی کی ابلیسِ ظولم جیر ایسابیدَ شفا دئی، اَنه واسی کی خُدا اونِ اَمرا بو.

اعمالٚ رسولأن 16:28

ولی پولُس بُلند صدا مرا داد بزه و بگفت: «تره صدمه نَوا زئن، چونکی اَمان همه اَیا ایسائیم!»

اعمالٚ رسولأن 7:60

بازون زانو بزه و پیله اوخانِ مرا بُگفت: «خُداوندا، اَ گُناهَ اَشان گردن تَنوَد.» اَنه بگفت و بَمرد.

غلاطیأن 6:10

پس تا فرصت دَریم، تمانِ مردوم ره خُبی بُکونیم، بخصوص اوشانی کی مسیحَ ایمان دَریدی.

اوّل تسالونیکیان 5:15

واخُب بیبید هیکَس بدیَ بَدی امرا جواب نَدِه، بلکی همیشک اَنه دُمبال بیبید کی همدیگرَ و تمانِ مردومَ خُبی بُکونید.

سوم یوحنا 1:11

ای عزیز، بَدیَ تی سر مشق نُکون، بلکی خُبی جا سرمشق بیگیر؛ اونکی خُبِ کار کونه خُدا جا ایسه، اونکی بَدِ کار کونه خُدایَ بیده ناره.