لوقا 6:12 - کتاب مقدس به زبان گیلکی - گویش رشت و غرب گیلان

¹² ایتا جه اُ روجان، عیسی دُعا واسی کوه سر بُشو و شبَ خُدا پرستش درون به صُب فارسانه.

کیتاب مقدّس به گیلکی (رشتی)

¹² ایروز عیسی دوعا کودنٚ وأسی بوشو کوه جور و شب تا صُب خودا اَمرأ راز و نیاز بوکوده.

Gilaki New Testament

¹² ایتأ جٚه هو روجأنٚ میأن، عیسا دوعأ کودنٚ وأسی بوشؤ کوهستأنی میأن و تومأمٚ شبَ خودا عیبأدت کودنٚ رِه موشغول بوبوسته.

کتاب مقدس به زبان گیلکی - گویش شرقی

¹² یکته از او روزؤن، عیسی دعا واسه کوه جؤر بُشو و شؤِ خُدا پرستش میئن به صوب برسؤنه.

لوقا 6:12 ပူးပေါင်းရင်းမြစ်များ

متّی 5:1

وقتی عیسی خلقَ بیده، ایتا کوه سر بُشو و بینیشت. بازون اونِ شاگردان اونِ ورجه باموئید

متّی 6:6

ولی تو وقتی کی دُعا کونی تی اتاقِ درون بوشو، درَ دَوَد و خلوتی تی پئرِ ورجه کی بیده نیبه، دُعا بُکون. و تی پئر کی تمانِ جیگا بُخورده چیانَ دینه، تره پاداش خوائه دَئن.»

مَرقُس 1:35

صوب دمان کی هوا هنو تارک بو، عیسی ویریشت و خانه یَ تَرکا کود، ایتا خلوتی جیگا بُشو و اویا دُعا بُکود.

مَرقُس 3:13

عیسی ایتا کوه سر بُشو و اوشانیَ کی خواستی، خو ورجه دوخواد و اوشان اون ورجه باموئید.

مَرقُس 6:46

عیسی بعد اَنکی مردومَ اوسه کود، خودش کوه سمت بُشو تا دُعا بُکونه.

لوقا 5:16

ولی عیسی خلوت جیگائان شوئی و دُعا کودی.

لوقا 6:11

ولی اوشان خَیلی بَرزَخا بوستید و کَس به کَس گب زئن ره بینیشتید کی عیسی مَرا چی بُکونید.

لوقا 6:17

عیسی اَشان اَمرا، کوه جا بجیر بامو و ایتا جا کی تخت بو بأسا. خَیلی جه اون شاگردان و تمان مردوم سراسر یهودیه، اورشلیم، و صور و صِیدون دریا کناران جا، اویا ایسابید.

لوقا 9:18

ایتا روج عیسی خلوت درون دُعا کودی و فقط اون شاگردان اون مرا بید. عیسی اوشان جا واورسه: «مردوم گیدی من کیَم؟»

لوقا 9:28

دوروَر هشت روج کی اَ گبان جا بُگُذشت، عیسی پِطرُس و یوحنا و یعقوبَ اوساد و ایتا کو سر بُشو تا دُعا بُکونه.

لوقا 9:29

اُ زمات کی دُعا کودن دوبو، اون دیمِ واگردست و اون رخت و لباس سیفیدا بوست و سوسو زئی.

یوحنا 6:3

پس عیسی ایتا پوشته سر بُشو و خو شاگردان مرا اویا بینیشت.

کولسیان 4:2

همیشک دعا درون استوار بیبید، شُکر کودَن اَمرا، دعا درون واخُب بیبید.

عبرأنیأن 5:7

اُ روجانی کی عیسی جسم درون ایسابو، گریه ئانِ اَمرا و آرسو ئان و بلندِ ایژگره اَمرا اونِ ورجه کی تانستی اونَ مرگ جا نجات بدِه، دُعا و التماس بُکود و خو کاملِ اطاعتِ واسی، اونِ دعا مستجاب بُبوست.