لوقا 5:24 - کتاب مقدس به زبان گیلکی - گویش رشت و غرب گیلان

²⁴ ولی اَن واسی کی بدانید انسان پسر، زمین سر اَ قدرتَ دَره کی گُنائانَ ببَخشه، ایفلیج مرداک بگفت: «تره گَم، ویریز، تی جیگای اوسان و بخانه بوشو!»

کیتاب مقدّس به گیلکی (رشتی)

²⁴ امّا وأستی بدأنید کی اینسأنٚ پسر زیمینٚ رو قودرت و اختیار دأره کی گونایأنَ ببخشه…» و او ایفلیجٚ مردأکَ بوگفته: «ترَ گم ویریز، تی دوشکَ اوسأن و بوشو بخانه.»

Gilaki New Testament

²⁴ پس اَسه شٚمٚره ثأبیت کونم کی اینسأنٚ پٚسر اَ دونیأ دورون، قودرت دأره گونأیأنٚ بٚبخشه.» بأزون وأگردسته چولأقٚ مردأکٚ ور و بوگفته: «ویریز و تی جأیَ جمَ کون و بوشو بٚخأنه!»

کتاب مقدس به زبان گیلکی - گویش شرقی

²⁴ اما هینه وسه که بودؤنین انسؤن ریکه که مو ایسّم زمین سَر، ایی قدرت و ایختیار دئنه که گُناهونِ ببخشی، فلج مَرداک بوته «تَه گونم: ویریس، تی جاجیگه ویگیر و بَشو خونه!»

لوقا 5:24 ပူးပေါင်းရင်းမြစ်များ

متّی 16:13

وقتی عیسی فیلیپی قیصریه سامانسر فارسه، خو شاگردانِ جا واورسه: «مردوم گیدی انسانِ پسر کیسه؟»

متّی 25:31

وقتی کی انسان پسر خو شکوه و جلال مرا بایه و تمان فیریشته ئان اون اَمرا، هو موقع خو پادشائی تخت سر خوائه نیشتن

متّی 26:64

عیسی جواب بدَه: «تو اَطو بگفتی! و شمرأ گَم کی بازین پس انسان پسرَ خوائید دِئن کی قدرت راست دَسِ وَر نیشته و آسمان ابران مرا اَیه.»

متّی 28:18

بازون عیسی جُلُو بامو و اَشانَ بگفت: «تمان قدرت آسمان درون و زمینِ سر مَرا واسپارده بُبوسته.

متّی 4:24

پس عیسی آوازه تمانِ سوریه درون بپیچَست و مردوم تمان ناخوشانَ کی هرجور درد و مرضی دَشتید، و هم دیو بزِه ئان و غَشیان و ایفلیجانَ اونِ ورجه اَوَردید و عیسی اوشانَ شفا دَئی.

متّی 9:6

ولی اَنِ واسی کی بدانید انسانِ پسر، اَ قدرتَ دَره کی زمینِ سر، گُنائانَ ببَخشه» - ایفلیجِ مرداکَ بگفت: - «ویریز، تی جیگایِ اوسان و بخانه بوشو.»

لوقا 5:13

عیسی خو دَس درازا کوده و اونَ سر فاکشه و بگفت: «خوائم؛ شفا بیگیر!» هودَم خوره، مرداک جانِ جا بُشو.

لوقا 5:18

اویا چن تا مرداک جِه راه فارسائید کی ایتا ایفلیجَ تختِ سر بَردید. اَشان تقلّا کودید اونَ خانه درون ببرید و عیسی جُلُو بَنید.

لوقا 5:23

کویتا گُفتار سأله: ”تی گُنائان ببَخشه بُبوست“ یا اَنکی ”ویریز و راه بوشو“؟

لوقا 7:14

بازون پیش بُشو و تابوت رو دَس فاکشه. اوشانی کی اونَ بَردن دیبید، بأسائید. عیسی بگفت: «اَی جوان، تره گَم، ویریز!»

لوقا 8:54

ولی عیسی اُ کُر دَستَ بیگیفت و بگفت: «آی کُر، ویریز!»

یوحنا 11:43

عیسی اَنه بگفت و بازین پیله اوخان مرا دوخاد: «ایلعازَر، بیرون بیا!»

یوحنا 17:2

چون تو تمان آدمانِ ایختیارَ اونَ فَدَئی، تا همه اوشانیَ کی اونَ ببخشه ئی ابدی زیندگی فدِه.

یوحنا 3:13

هیکّس آسمان بُجور نُشو، مگه اونکی آسمان جا بجیر بامو، یعنی انسان پسر،

یوحنا 5:27

و اونَ اَ قدرت فدَه کی داوریَم بُکونه، چونکی انسان پسره.

اعمالٚ رسولأن 14:10

پولُس بُلند صدا مرا اونَ بگفت: «تی پا سر بأس!» اُ مردای جه خو جا بپرست و رادکفت.

اعمالٚ رسولأن 5:31

و خُدا اونَ خو راس دس ور بُجور بَبرده، رهبر و نیجات دئنده بُکوده و فرصت بدَه تا یهود مردوم توبه بُکونید و اوشانِ گُنائان ببَخشه ببه.

اعمالٚ رسولأن 9:34

پِطرُس اونَ بگفت: «اينياس، عيسیِ مسيح تَره شفا دِئه. ويريز و تی جیگایَ جمَ کون!» اونم درجا ويريشت.

اعمالٚ رسولأن 9:40

ولی پِطرُس همتانَ اتاق جا بیرون کود و زانو بزه و دُعا بُکود. بازین جنازه سمت وگردست و بگفت: «طابيتا، ويريز!» طابيتا خو چومانَ واکود و وقتی پطرُسَ بيده، بينيشت.

موکأشفه 1:13

و اُ چراغدانانِ میان اينفره بيدِم كی ’ انسانِ پسرِ‘ مانستن بو. اون ایتا بُلندِ قبا دُکوده داشتی و ایتا شال طلا جا اونِ سينه دور.