لوقا 4:5 - کتاب مقدس به زبان گیلکی - گویش رشت و غرب گیلان

⁵ بازون ابلیس اونَ ببرده ایتا بُجور جیگا و هو دَم تمان دُنیا ممالکَ اونَ نیشان بدَه

کیتاب مقدّس به گیلکی (رشتی)

⁵ بأزین شیطأن اونَ ایتأ بولندٚ جیگا ببرده و ایتأ چوم به هم زِئنٚ اَمرأ، تومامٚ دونیا مملکتأنَ اونَ نیشأن بدَه

Gilaki New Testament

⁵ بأزون شیطان اونَ ببرده ایتأ بولندٚ جیگأ جؤر و ایتأ چوم سٚربٚسٚر نٚهٚنٚ اَندر تومأمٚ دونیأ سرزیمینأنَ اونَ نیشأن بٚدأ

کتاب مقدس به زبان گیلکی - گویش شرقی

⁵ بازین ابلیس اونه یکته بلندی سر ببُورده و هودَم تمام دنیا ممالک اونه نیشون بَدَه

لوقا 4:5 ပူးပေါင်းရင်းမြစ်များ

متّی 24:14

و اَ پادشائی خُبِ خبر، سراسرِ دُنیا فدَه به، تا تمانِ مردومان ره گُوائی ببه. هو موقع دُنیا به آخر فارسه.»

متّی 4:8

ایوار ده، ابلیس اونَ ایتا پیله کوهِ توکِ سر ببَرد و تمانِ دُنیا مملکتان و اوشانِ شکوه و جلالَ، اونَ نیشان بدَه

اوّل قرنتیان 15:52

ایی دَم و ایتا چوم پیله زِئن اَندر، هو موقع کی آخرتا شیپور بِزِه بِبه. چونکی شیپور بِزِه به و مُرده ئان زنده بیدی و دِه از بین شوئن شین نیئید و امان تبدیل خوائیم بوستن.

اوّل قرنتیان 7:31

و اوشانی کی اَ دُنیا مرا حساب کتاب دَریدی، اوجور رفتار بُکونید کی اِنگار حساب کتاب ناریدی. چونکی اَ دُنیا سر و شکل فعلی عوضَ بوستن دَره.

دوم قرنتیان 4:17

چونکی اَمی اَ کوچک و زودگُذره رنج ئان، اَمِره ابدیِ جلال آوردن دَره کی اُ رنج ئانِ اَمرا برابری نُکونه.

افسسیان 2:2

و زماتی اوشانِ درون زیندگی کودن دیبید، اُ موقع کی اَ دُنیا رائانِ درون و هوا قدرتِ رئیس، یعنی ابلیسِ جا اطاعت کودید، هو روحِ جا کی هَسا ئَم نافرمانی زاکانِ درون عمل کونه.

افسسیان 6:12

چونکی اَمی جنگ، جسم و خون مَرا، یعنی آدمی امرا نیئه، بلکی اَمان رئیس ئانِ ضد، قدرتانِ ضد، و اُ تاریکی نیروئانِ ضد کی اَ دُنیا سر حاکمید، شریر روحانِ لشگرانِ ضد کی آسمانی جیگائان درونید، جنگ کودن دَریم.