لوقا 21:8 - کتاب مقدس به زبان گیلکی - گویش رشت و غرب گیلان

⁸ عیسی جواب بدَه: «واخُب بیبید کی گُمرا نیبید؛ چونکی خیلیان می نام مرا خوائید اَمون و خوائید گفتن: "من هونم" و "موعود موقع فارسه". اوشان دُمبالسر نیشید.»

کیتاب مقدّس به گیلکی (رشتی)

⁸ عیسی بوگفته: «شیمی حواس وأ جم ببه کی هیکس شمرَ جٚه رأ بدٚرَ نوکونه. خیلی‌یأن می نامٚ اَمرأ اَییدی و گیدی: ‹من هونم› و ‹دونیا به آخر فأرسه›. شومأن نوأستی باور بوکونید.

Gilaki New Testament

⁸ عیسا جوأب بٚدأ و بٚفرمأسته: «بٚپأیید کی هیکس شٚمٚره گول نٚزنه. چونکی خٚیلیأن می ایسم اَمرأ اَیٚده و گده کی "من مسیح ایسٚم" و "هو زمأتی کی وأستی بأمؤبی، فأرٚسِه". امّا قوبیل نوکونید.

کتاب مقدس به زبان گیلکی - گویش شرقی

⁸ عیسی جواب بَدَه: «واخُب ببین که گُمراه نبین چونکه خیلی ان می ایسم امره هنن و گونن: ”مو هو ایسّم“ و ”موعود زمون برسه“. اوشونه دومبالسر نشین.

لوقا 21:8 ပူးပေါင်းရင်းမြစ်များ

متّی 24:11

دوروغِ پیغمبرانِ زیادی ویریزید و خَیلیانَ گُمرا خوائید کودن.

متّی 3:2

گفتی: «توبه بُکونید، چونکی آسمانِ پادشائی نزدیکه!»

متّی 4:17

عیسی جه اُ زمات بنا بُکود موعظه کودن و گُفتی: «توبه بُکونید، چونکی آسمانِ پادشائی نزدیکه!»

لوقا 17:23

مردوم شمرأ خوائید گفتن: ”بیدین، اَیا ایسا،“ یا ”بیدین اویا ایسا“ ولی اوشان دُمبالسر رادَنکَفید.

لوقا 21:7

اوشان واورسه ئید: «اوستاد، اَ ایتفاقان کِی دَکفه و اوشان نزدیکَ بوستن نیشانه چیه؟»

لوقا 21:9

«و وقتی کی خَیلی جنگ و آشوب خبران ایشتاوید، هَراس ندَرید. چونکی بایستی اول اَجور چیان ایتفاق دکَفه، ولی آخر کار هودَم فانرِسه.»

یوحنا 5:43

من می پئر نام مرا باموم، ولی شُمان مَرا قُبیل نُکونید. اَگه اینفر دیگه خو نام مرا بایه، اونَ قُبیل خوائید کودن.

یوحنا 8:24

شمرأ بگفتم کی شیمی گُنائان درون میریدی، چونکی اَگه ایمان ناورید کی من هون ایسم، شیمی گُنائان درون خوائید مَردن.»

یوحنا 8:28

پس عیسی اَشانَ بگفت: «هو موقع کی انسان پسرَ چوب سر بُجور ببردید، هو موقع فهمیدی کی من ایسم و خودمِ جا کاری نُکونم، بلکی فقط اونیَ گَم کی پئر مَرا باموخته.

اوّل قرنتیان 6:9

مگه نانید اوشانی کی ظالمید، خُدا پادشائیَ به ارث نبریدی؟ گُول نُخورید: بی حیائان، بُت پرستان، زینا کاران، لواط کاران،

افسسیان 5:6

وَئنلانید ایکس شمرأ چَتِ گبانِ مَرا گول بزنه، چونکی هه چیانِ واسی ایسه کی خُدا غضب اوشانِ سَر آیه کی نافرمانی کونیدی.

دوم تسالونیکیان 2:3

وَئنلانید هیکّس هی جوره شمرأ گول بزنه. چونکی اُ روج نایه مگر اَنکی اول مردوم خُدا ضد ویریزید و اُ بی دینِ مَردای کی هلاکتِ پسر ایسه ظهور بُکونه،

دوم تیموتائوس 3:13

ولی شرورِ آدمان و قاب بازان بَدی درون بَدتر خوائید بوستن؛ گول زنیدی و گول خوریدی.

اوّل یوحنا 4:1

ای عزیزان، هر روحیَ واور نُکونید، بلکی روحانَ امتحان بُکونید تا بیدینید کی خُدا جا ایسید یا نه. چونکی دُنیا درون خَیلی دوروغ پیغمبران ایسائیدی.

دوم یوحنا 1:7

چونكی دُنیا درون خَیلی دَغلباز آدمان باموئید، كی اوشان اعتراف نُکونیدی عيسی مسيح، انسان جسم درون بامو. اَجور آدمان هو دَغلبازان و ضّدِ مسیح ایسید.

موکأشفه 1:3

خوشا بحال اُ كسی كی اَ نبوّتِ كلامَ خوانه و خوشا بحالِ اوشانی كی اونَ ايشتاويدی و اونچیَ كی اونِ درون بينیويشته بُبوسته، داریدی، چونكی اُ وقت نزديكِ.

موکأشفه 12:9

و پيله آژدها بیجير تَوَده بُبوست، یعنی هو قديمی لانتی کی ابليس يا شيطان دوخواده به، کی تمانِ دُنیایَ گُمراهَ کونه. اون، زمین سر تَوَده بُبوست و اونِ فیریشته ئانم اونِ مرا بيجير تَوَده بُبوستید.