لوقا 18:13 - کتاب مقدس به زبان گیلکی - گویش رشت و غرب گیلان

¹³ ولی اُ خراجگیر دور بأسا و حتی خو سر آسمان طرفم بُجور ناوردی، بلکی خو سینه یَ زئی و گفتی: ”خُدایا، منِ گُناه کارَ رحم بُکون.“

کیتاب مقدّس به گیلکی (رشتی)

¹³ ولی او باجگیر دور بِیسه و جرأت نوکوده خو سرَ آسمانٚ طرف راستَ گیره. خجالت و غم و غورصه اَمرأ خو سینه‌یَ زه‌یی و گفتی: ‹خودایا، من گوناهکارم. مرَ رحم بوکون!›

Gilaki New Testament

¹³ امّا او گونأکأرٚ بأج‌فأگیر دؤر بئیسأ و دوعأ وخت حتّا خو سٚرَ شرمندگی وأسی رأستَ نوکود بلکی غورصه‌دأر خو سینه‌یَ زِئی و گفتی خودایأ، منٚ گونأکأرَ رحم بوکون!

کتاب مقدس به زبان گیلکی - گویش شرقی

¹³ امّا او خراجگیر دور بیسه و حتی خوشِ سرِ آسمؤن سو جورا نَیت، بلکه خوشِ سینه سر زی و گُوت: ”خُدایا، منه گوناهکارِ به رحم بکون.“

لوقا 18:13 ပူးပေါင်းရင်းမြစ်များ

متّی 10:3

فیلیپُس و بَرتولْما؛ توما و خراجگیرِ مَتّی؛ یعقوب حَلْفای پسر و تَدّای؛

متّی 6:5

«وقتی کی دُعا کونی، ریاکارانِ مانستن نُبو. چونکی اوشان دوست دَریدی عبادتگائانِ درون و کوچه‌ ئانِ گوشه کنار بأسید، دُعا بُکونید تا مردوم اوشانَ بیدینید. حئیقتن، شمرأ گَم، اَشان خوشانِ پاداشَ فیگیفتید.

متّی 9:13

بیشید و اَ گفتارِ معنیَ بفهمید کی ”رحمتَ خوائم، نه قربانیَ.“ چون من ناموم کی صالحانَ، بلکی گُناکارانَ دعوت بُکونم.»

مَرقُس 11:25

«پس هر وقت دُعا کونیدی، اَگه اینفر جا ایچی بدیل دَرید، اونَ ببَخشید تا شیمی پئرم کی آسمان درون ایسا، شیمی تخصیراتَ ببَخشه.

لوقا 17:12

وقتی کی ایتا دهات بدرون بُشو، دَه تا خوره بیگیفته یَ کی دور ایسابید بیده.

لوقا 22:41

بازون اوشان جا ایتا سنگ پرانِنِ اَندر فاصله بیگیفت و زانو بزه اَطو دُعا بُکود:

لوقا 23:48

مردومی ئم کی تماشا کودن ره جمَ بوسته بید، وقتی اونچی کی ایتفاق دکفته بو یَ بیده ئید، هُطو کی خوشان سینه سر زئید، خوشان خانه واگردستید.

لوقا 5:8

ولی شَمعون پِطرُس، هُطو کی اَ جریانَ بیدِه، عیسی لنگان جیر بکفت و بگفت: «اَی خُداوند، می جا دورا بو، چونکی گُناکار مرداکم!»

اعمالٚ رسولأن 2:37

وقتی اوشان اَنه بیشتاوستید، اَنه مانستی کی اَشان دیل درون خَنجر فوقاسته بید، و پِطرُس و بقیه رسولانَ بگفتید: «اَی براران، هسّا چی بُکونیم؟»

رومیأن 5:8

ولی خُدا اَطو خو محبتَ اَمرا نیشان بدَه، اُ زمات کی اَمان هنو گُناکار بیم، مسیح اَمی واسی بَمرد.

دوم قرنتیان 7:11

چونکی بیدنید اَ غم کی خُدا واسی بو چی شوقی شیمی درون به بار باورده: البت هه شوقِ کی نیشان دِئه تقصیر کار نیئید، چی غیض درون، چی ترس درون، چی ناجی درون، چی غیرت درون، چی مجازات درون، جه هر طرف ثابت بُکودید کی اُ قضیه درون بی‌تقصیر بید.

اوّل تیموتائوس 1:15

اَ حرف قابیلِ اطمینانِ و جه هر طرف کاملا قابیل قُبیل ایسه، کی مسیحْ عیسی اَ دُنیا درون بامو تا گُناه کارانَ نجات بدِه، کی اوشانِ میان پیله ترین منم.

عبرأنیأن 4:16

پس اطمینانِ امرا، فیضِ تختَ نزدیکَ بیم تا امرا رحم بِبه و فیضَ بدَس باوَریم کی احتیاجِ موقع اَمرا یاری بُکونه.

عبرأنیأن 8:12

چون من اوشانِ خطائانِ ره رحم کونم، و اوشانِ گناهانَ هرگس به یاد ناوَرم.»