لوقا 17:2 - کتاب مقدس به زبان گیلکی - گویش رشت و غرب گیلان

² اون ره بهتر اَن بو کی آسیاب سنگَ اون گردن دور تَوَدید و دریا درون بگانید تا اَنَکی باعث ببه کی ایتا جه اَ کوجدانه ئان گُناه بُکونید.

کیتاب مقدّس به گیلکی (رشتی)

² او جور آدمٚ رِه بهتره کی پیله‌دأنه آسیابٚ سنگ اونٚ گردن دٚوٚدید و اونَ تأودید دریا دورون کی ساده‌دیلٚ آدمأنَ گومراه نوکونه.

Gilaki New Testament

² اونی رِه بِیتره کی ایتأ پیله‌دأنه سنگَ خو گردن دٚوٚده و دریأ میأن تأوٚدأ بٚبه کی بأعیث بٚبه ایتأ جٚه اَ زأکأن لغزش بوخورد.

کتاب مقدس به زبان گیلکی - گویش شرقی

² اونه به بهتر اینه که یکته آسیابِ سنگ اونه گردنِ دور تؤئدِن و دریا میئن باگنن تا اینکه باعث ببی یکته از ایی کوشتای دنائن، گناه بکونن.

لوقا 17:2 ပူးပေါင်းရင်းမြစ်များ

متّی 17:27

ولی اَنِ واسی کی اَشانَ ناراحتَ نُکونیم، دریا کنار بُشو و قرماق تَوَد. اولی ماهیَ کی بیگیفتی، اونِ دَهَنَ وازا کون. ایتا چار دِرْهَمی سکه یابی. اونِ مرا می سَام و تی سَامَ اَشانَ فَدَن.»

متّی 18:10

«واخُب بیبید کی هیّتا جه اَ کوجدانه ئانَ پستَ نُکونید، چونکی شمرأ گَم کی اَشانِ فیریشته ئان آسمانِ میان، همیشک می پئرِ دیمَ کی آسمانِ درون ایسا، دینیدی.

متّی 18:14

جه اَرو شیمی پئرِ خواسته کی آسمانِ درونِ، اَن نیه کی حتی ایتا جه اَ کوجدانه ئان جه دَس بشه.»

متّی 26:24

انسان پسر هُطو کی اونِ باره خُدا کلام درون بینیویشته بُبوسته، خوائه شئون، ولی وای به حال اُ کَس کی انسان پسرَ دُشمند دَس فَده. بختر اون بو کی هرگس بزا نُبوسته بی.»

مَرقُس 9:42

« هر کی باعث ببه ایتا جه اَ کوجدانه ئان، کی مَرا ایمان دَرید بکَفید، اون ره بختر اَن بو کی ایتا پیله آسیاب سنگی اون گردن دور دَوَدید و اونَ دریا درون تَوَدید!

یوحنا 21:15

چاشتِ بُخورده پسی، عیسی شَمعون پِطرُس جا واورسه: «اَی شَمعون، یوحنا پسر، مَرا ویشتر جه اَشان دوس دری؟» شمعون پِطرُس عیسیَ جواب بدَه: «بله خُداوند؛ تو دانی کی تره دوست دَرم.» عیسی اونَ بگفت:« می بَرِّه ئانَ غذا بدن.»

اوّل قرنتیان 9:15

ولی من هی ذره اَ حقّ و حقوقِ جا استفاده نُکودم و اَنَم نینیویسَم کی اَ کارَ، می حقّ بُکونید. چونکی بیمیرم بختره تا اینفر می اَ ایفتخارَ هیچ بُکونه.

اوّل قرنتیان 9:22

ضعیفانِ اَمرا، ضعیف بُبوستَم تا ضعیفانَ مسیحِ ره بدس باورم. همه کسَ ره همه چی بُبوستم تا هرجور بِبه بعضی ئانَ نجات بدم.