لوقا 15:22 - کتاب مقدس به زبان گیلکی - گویش رشت و غرب گیلان

²² ولی اونِ پئر خو کارگران بگفت: ”بُدوبید! بخترین رختَ باورید و اونِ تن دُکونید. اَنگوشتری اون اَنگوشت و ایتا پاپوش اون پا درون دُکونید.

کیتاب مقدّس به گیلکی (رشتی)

²² ولی اونٚ پئر خو نوکرأنَ دوخوأده و بوگفته: ‹عجله بوکونید بیشید، بهترین ردایَ بأورید، می پسرَ دوکونید، انگوشترَ اَنٚ دس تأودید و کفشَ اَن پایَ دوکونید.

Gilaki New Testament

²² امّا اونی پئر خو خیدمتکأرأنَ بوگفته: "دٚس بوجونبأنید! بِیترین لیوأسَ، خأنه جَا بأوٚرید و اونی بٚتٚن دوکونید! ایتأ انگوشتٚر، اونی دٚسٚ میأن و ایتأ پأاَفزار اونی پأ رِه دوکونید!

کتاب مقدس به زبان گیلکی - گویش شرقی

²² امّا اونه پئر خو کارگرؤنِ بُوته: ”تأتأدی بکونین! بهترین رختَ بأرین و اونه دکونین. یکته انگوشتر اونه انگوشت میئن و چاروق اونه پائانه میئن دکونین.

لوقا 15:22 ပူးပေါင်းရင်းမြစ်များ

لوقا 15:21

اُ رِی بگفت: ”ای پئر، من در حقّ خُدا و تو گُناه بُکوده ئم. دِه قابیل نیئَم تی پسر دوخواده ببم.“

لوقا 15:23

ایتا چاق مأنده باورید و سرابینید، بائید بُخوریم و جشن بیگیریم.

رومیأن 13:14

بلکی عیسی مسیحِ خُداوندِ شخصیتَ، ایتا رخت مانستن دُکونیدی و جسمِ هوا و هوسِ واسی تدارُک نیدینیدی تا اونِ خواسته ئانَ بجا باورید.

رومیأن 3:22

اَ صالحی کی خُدا جا ایسه، عیسی مسیحِ ایمان داشتن راهِ جا، تمان اوشانِ نصیب به کی ایمان آوریدی. چون هی فرقی ننه:

رومیأن 8:15

چره کی شُمان نوکری روحَ بدَس ناوردید تا بازَم بترسید، بلکی شُمان پسرانِ مقامِ درون فرزند خواندگی روحَ بدَس باوردید، کی بواسطه ی اون، داد زنیم: «می پئر، آقا جان.»

غلاطیأن 3:27

چره کی شُمان همتان کی مسیح درون تعمید بیگیفتید، مسیحَ شیمی تَن دُکودید.

افسسیان 6:15

صلح و سلامتی انجیلَ ایتا چاروغ مانستن دُکونید اوجور کی انگار اونِ اعلام واسی، آماده اید.

موکأشفه 19:8

ایتا نازکِ کتانِ رخت کی شبق شبق زَنه و پاکِ، اونَ فَده بُبوست تا دوکونه.» چونکی اُ نازکِ کتان، مقدّسینِ صالحِ اعمالِ.

موکأشفه 2:17

اونی كی گوش دَره بيشتاوه كی خُدا روح كليسائانَ چی گه. هر کَس كی پيروز بِبه، اُ قایمَ کوده ’مَنّا‘ جا اونَ خوائم فَدَئن و ایتا سفیدِ سنگ اونَ فَدم، کی اونِ رو ایتا تازه نام بینیویشته بُبوسته کی هیکّس اونَ نَفهمه جغیر اونکی اونَ فیگیره.

موکأشفه 3:18

تِره نصيحت كونم خالصِ طلایَ کی آتشِ جا ردَّا بوسته، می جا بیهینی تا دولتمند بیبی، و سفيد رختان، تا دوكونی و تی لُخت و سوختیِ شرم، بیده نَبه و مَراَم، تا تی چومانِ سر بمالی تا بيدينی.

موکأشفه 6:11

و هرتا جه اوشانَ، سفيد قبا فَدَه بُبوست و اوشانَ بگفته بُبوست کی ایپچه ویشتر آرام بیگیرید تا اوشانِ هم خیدمتان و برارانِ تعداد كی قراره اوشانِ مانستن بُکوشته بیبید، کامل بِبه.

موکأشفه 7:9

بازون فندرستم و بیدین، ایتا پیله جماعت کی هیکّس نتانستی اونَ بیشماره، جه هر ملّت و هر طایفه جا و هر مردوم و زوانِ جا، همتان اُ تخت و برّه جُلُو ایسابید، سفيد قبا به تن دوكوده‌ و نخل خالانَ بدَس داشتيد.