لوقا 14:32 - کتاب مقدس به زبان گیلکی - گویش رشت و غرب گیلان

³² و اَگه بیدینه کی نتانه اون جُلُو بئسه، اُ موقع تا دُشمندِ لشکر فانرسِه، ایتا نماینده روانه کونه تا واورسه کی چُطو صُلح بُکونید.

کیتاب مقدّس به گیلکی (رشتی)

³² اگه دینه کی نتأنه او لشکرَ شکست بده، هنوز کی دوشمن دور ایسَه وأستی قاصدَ اوسه کونه کی صلح کودنٚ شرایطَ وأورسه.

Gilaki New Testament

³² اگه بیدِه کی اَ کأرَ نتأنه بوکونه، هنو دوشمنٚ لشکر نیزدیکٚ نوبوسته، ای عیده نمأینده اوسه کونه کی آشتی کودنٚ وأسی گب گب بٚزٚنٚد.

کتاب مقدس به زبان گیلکی - گویش شرقی

³² و اَگه بَینی که منئه اونه جلو بیسی، اوزمون تا دشمن لشکر حله نرسه یکته نماینده سرادِئنه تا چوطو صلح بکونن.

لوقا 14:32 ပူးပေါင်းရင်းမြစ်များ

متّی 5:25

تی شاکی مرا کی تره محکمه سو بَردن دَره، تا هنو اونِ مرا راه درون ایسائی، سُلُوک بُکون، نبه کی تره قاضی دَس واسپاره و قاضی تره مأمور دَس فدِه و خولتانکِ درون دکفی.

متّی 5:42

هَرکس منّتِ مرا تی جا ایچی بخوائه، اونَ فَدَن و هَرکس تی جا ایچی قرضی بخوائه، تی دیمَ وَنگَردان.»

لوقا 12:58

وقتی تی شاکی مرا حاکم ورجه شی، تقلّا بُکون کی راه درون اون مرا سُلوُک بُکونی، نبه کی تره قاضی ورجه ببره و قاضی تره مأمورَ واسپاره، و خولتانک درون دکفی.

لوقا 14:31

و یا کویتا پادشا ایسه کی به جنگِ ایتا دِه پادشا بشه و قبل اون، اول نینیشینه خو مرا فیکر نُکونه کی، دَه هیزار سرباز مرا تانه کسیَ جُلُو بئسه کی بیست هیزار سربازِ مرا به اون جنگِ اَیه؟

لوقا 14:33

جه اَرو، هیکَّس جه شُمان ئم تا تمان خو دارائی جا دَس نکشه، می شاگرد نتانه بوستن.»

لوقا 19:14

ولی مردومانی کی قرار بو اوشانَ ره حکومت بُکونه، اون جا بیزار بید؛ اوشان اون دُمبالسَر، نماینده ئانی اَ پیغام مرا اوسِه کودید کی: ”اَمان نخوائیم کی اَ آدم، امرا حکومت بُکونه.“

اعمالٚ رسولأن 12:20

هیرودیس صور و صیدونِ شارانِ مردومانِ سر غیظ بُکوده بو. جه اَ رو اُ دوتا شارِ مردوم همدیگر اَمرا اونِ ورجه بُشوئید و اجازه بخواستید تا هیرودیسَ بیدینید. اوشان بْلاستوس، پادشاه خیدمتکارَ راضی بُکودید تا هیرودیس اَمرا آشتی بُکونید، چونکی اوشانِ غذا و مایحتاج، هیرودیسِ مملکت جا فراهم بوستی.