لوقا 13:13 - کتاب مقدس به زبان گیلکی - گویش رشت و غرب گیلان

¹³ بازون زناکِ سر دَس بنه و اون یهُو راست بأسا و خُدایَ ستایش بُکود.

کیتاب مقدّس به گیلکی (رشتی)

¹³ بأزین عیسی خو دسأنَ اونٚ رو بنَه و هو وخت اونٚ کمر راستَ بوسته و خودایَ ستایش بوکوده.

Gilaki New Testament

¹³ بأزین، اونی رو دٚس بٚنه و او زنأی دفأتن شفأ بیأفته و رأس بئیسأ، بینأ کودن خوداوندَ شوکر کودن!

کتاب مقدس به زبان گیلکی - گویش شرقی

¹³ بازین زناک سر دَس بنا و او یدفاری راست بیسه خُدا ستایش بوده.

لوقا 13:13 ပူးပေါင်းရင်းမြစ်များ

متّی 9:8

وقتی مردوم اَ ایتفاقَ بیده ئید، بترسه ئید و خُدایَ ستایش بُکودید کی اَجور قدرتی آدمانَ ببَخشه.

مَرقُس 16:18

و لانتیانَ خوشان دَسان مَرا گیریدی، و هر وقت زهری بُخورید کی کوشه، اوشانَ هیچی نیبه، و ناخوشان سر دَس خوائید نَئَن و اوشان شفا خوائید یافتن.»

مَرقُس 5:23

و منّت کونان بگفت: «می کوجدانه کُر مَردن دَره. منّت کونم بَائی، تی دَسَ اونِ سر بَنی تا شفا بیگیره و زنده بمانه.»

مَرقُس 6:5

عیسی نتانستی اویا هی مُعجزه‌ئی انجام بدِه، جغیر اَنکی خو دَس چن تا ناخوش سر بنه و اوشانَ شفا بدَه.

مَرقُس 8:25

بازون عیسی ایوار دِه خو دَسَ اونِ چومان سر بَنه. هو موقع اُ مرداک خو چومانَ وازا کود و اونِ چوم سو وَگردَست، و همه چیَ خُب دئی.

لوقا 13:12

وقتی کی عیسی زناکَ بیدِه، اونِ دوخواد و بگفت: «اَی زناک، تی معلولیتِ جا خلاصَ بوستی!»

لوقا 18:43

کورمرداک هو دَم وینا بُبوست و خُدایَ ستایش کونان، عیسی دُمبالسَر تُندانه بُشو. مردوم هَطوکی اَنه بیده ئید، همه خُدایَ پرستش بُکودید.

لوقا 4:40

غروب دَم، مردوم تمان خوشان کسانی کی جورواجور ناخوشی دَشتید عیسی ورجه باوردید. عیسی ئم تمان اوشان سر دس بنه و همه تای شفا بدَه.

اعمالٚ رسولأن 9:17

پس حَنانيا رادکفت، اونِ خانه درون بُشو و خو دسانَ اونِ سر بَنه و بگفت: «اَی شائول برار، خُداوند عيسی کی وقتی اَیا اَمون دیبی راه درون تره ظاهیرَ بوست، مرا روانه کود تا تو ایوارده تی ویناییَ بدَس باوری و روح القدّس جا پُر بیبی.»