لوقا 11:49 - کتاب مقدس به زبان گیلکی - گویش رشت و غرب گیلان

⁴⁹ جه اَ رو خُدا حیکمَت بگفته کی ”من اوشان واسی پیغمبران و رسولان روانه خوائم کودن. ولی بعضیانَ خوائید کوشتن و بعضیانَ آزار خوائید دَئن.“

کیتاب مقدّس به گیلکی (رشتی)

⁴⁹ هَنٚ وأسی ایسه کی خودا خو حکمتٚ اَمرأ فرمأیه: ‹پیغمبرأن و رسولأنَ شیمی ورجأ اوسه کونم. شومأن بعضیأنَ کوشیدی و بعضیأنم آزار رسأنیدی.›

Gilaki New Testament

⁴⁹ «اونی وأسی خودا خو دأنأیی اَمرأ شِمِره فٚرمأیه: پیغمبرأن و روسولأنَ شیمی ورجأ اوسه کودم، امّا شومأن ای عیده جٚه اوشأنَ بوکوشتید و بعضیتأنٚم دِه آزأر فأرسأنید.

کتاب مقدس به زبان گیلکی - گویش شرقی

⁴⁹ هینه واسه خُدا حکمت بفرماسه که ”مو اوشون واسه پیغمبرون و رسولون سرا دِئنم. امّا بعضی أن کوشَنن و بعضی أنم آزار رسونبئنَن.“

لوقا 11:49 ပူးပေါင်းရင်းမြစ်များ

متّی 22:6

دیگرانم اونِ خیدمتکارانَ بیگیفتید و بی حُرمتی بُکودید و بُکوشتید.

لوقا 11:48

جه اَ رو شُمان گُوائی دیئیدی و اُ کارانی کی شیمی پئران انجام بدئیدَ تصدِق کونید. چونکی اوشان پیغمبرانَ بُکوشتید و شُمان اوشان ره بوقعا چاکونیدی.

لوقا 24:47

و اونِ نام مرا توبه و گنائانِ آمرزش تمانِ مردوم ره موعظه به و اورشلیم جا بنا خوائه بوستن.

یوحنا 16:2

شمرأ عبادتگائان جا بیرون خوائید تَوَدَن و حتی اُ زمات فارسه کی هرکی شمرأ بُکوشه، خیال کونه کی خُدایَ خیدمت بُکوده دَره.

اعمالٚ رسولأن 1:8

ولی وقتی روح القدّس شمرأ بایه، قوت گیریدی و اورشلیم شار درون و تمان یهودیه ولایت و سامره و دُنیا دور ترین جیگائان، می گُوائان خوائید بوستن.»

اعمالٚ رسولأن 11:27

اُ روجان درون چن تا پیغمبر اورشلیم جا اَنطاکیه باموئید.

اعمالٚ رسولأن 22:20

و وقتی کی تی شاهد، استیفانِ خونَ فُکودن دیبید، مَن خودم اویا ایسا بوم و اُ کار اَمرا موافق بوم و اونِ قاتلانِ رختانِ مواظب بوم.“

اعمالٚ رسولأن 7:57

ولی اوشان خوشان گوشانَ بیگیفتید و نَعره بکشئید و همتان استیفانِ سر فُتورکستید،

اعمالٚ رسولأن 8:3

ولی سولُس بدجور کلیسا یَ فُتورک زئی و خانه بخانه گردَستی و زناکان و مرداکانَ بیرون فاکشه ئی و خولتانکِ درون تَوَدَئی.

اوّل قرنتیان 1:24

ولی اوشانی کی دعوت بُبوستید ره، چی یهودی چی یونانی، مسیح، خُدا قوّت و خُدا حکمت ایسه.

اوّل قرنتیان 1:30

اونِ واسی ایسه کی شُمان مسیحْ عیسی درونید. اُ مسیحْ عیسی کی خُدا طرف جا اَمی واسی حکمت بُبوسته، يعنی صالحی، قُدّوسيت و آزادی.

افسسیان 4:11

و اون بو کی رسولان فدَه، پیغمبران، مباشران، شبانان و آموجگاران فدَه،

کولسیان 2:3

اونِ درونِ کی تمان حکمت و دانایی گنج ئان جیگا بخورده یِ.

موکأشفه 16:6

چونکی اوشان، مُقدّسین و پیغمبرانِ خونَ فُکودید، و تو اوشانَ خون فَدَئی تا بُخورید. اَن، اوچی ایسه کی اَشانِ حقِّ!»

موکأشفه 18:20

اَی آسمان اونِ ره شادی بُکون! اَی مقدّسین و رسولان و پیغمبران اونِ ره شادی بُکونید! چونکی خُدا شیمی تقاصَ اونِ جا فیگيفته.»