لوقا 11:42 - کتاب مقدس به زبان گیلکی - گویش رشت و غرب گیلان

⁴² «ولی وای بر شُمان اَی فَریسیان! چونکی شُمان جه بینه و خلواش و همه جوره سبزی دَه‌یک فدنِ حکمَ بجا اَوریدی، ولی عیدالت و خُدا محبتَ نیده بو گیریدی. اَشانَ بدون اَن کی اوشانَ نیده بو بیگیرید بایسی انجام بدَه بید.

کیتاب مقدّس به گیلکی (رشتی)

⁴² «وای بر شومأن، فریسیأن کی دقّتٚ اَمرأ حتی جٚه نعناع و سُداب و سبزی‌یأنٚ دیگری کی کاریدی و خورید اوشأنٚ رِه خودایَ ده یک فدیدی، ولی خودا عیدالت و موحبتَ جاخطرَ بریدی. شیمی درآمدٚ جأ ده‌یکَ وأستی فدید ولی خودا موحبتَ نوأستی جٚه خأطر ببرید.

Gilaki New Testament

⁴² «وای بحألٚ شومأن ای فریسیأن! شومأن حتّا شیمی نعناع و سُدابٚ مأصولٚ و هرچی دِه جوروأجور سبزی ده یکَ پیشکش فأدید، امّا عیدألتَ نیدینید و خودا محبتٚ جَا غأفیل ایسید. شومأن وأستی ده یک فأدید، ولی عیدألت و محبتَ جٚه‌ خأطر نٚبٚرید.

کتاب مقدس به زبان گیلکی - گویش شرقی

⁴² «اما وای برشمه ای فرَیسی ان! چونکه شمه از بینه و کوتکوتو و همه جوره سبزی، دَه‌یک هدِئنین، امّا عدالتَ و خُدا محبت نده بو گینین. ایشونِ بدون اونکه اوشونه نده بو بگیرین بایستی انجوم بدابین.

لوقا 11:42 ပူးပေါင်းရင်းမြစ်များ

متّی 23:13

«وای بر شُمان اَی توراتِ آموجگاران و فَریسیان! اَی ریاکاران! شُمان آسمانِ پادشائی دَرَ مردوم رو دوَدیدی، نه خودِتان بدرون شید و نه وائالید اوشانی کی را درونید، بدرون بیشید.»

متّی 23:23

«وای بر شُمان اَی توراتِ آموجگاران و فَریسیان! اَی ریاکاران! چونکی شُمان بینه و خلواش و زیره جا دَه‌ یک فَدَنَ حُکمَ بجا اَوریدی، ولی اُ شریعتِ حُکمان کی مهمتره یعنی عدالت و رحمت و امانتَ، نیده بو گیریدی. اَشانَ بایسی عمل بُکوده بید، بدون اَنکی اوشانَ جه یاد ببرده بید.

متّی 23:27

«وای بر شُمان اَی توراتِ آموجگاران و فَریسیان! اَی ریاکاران! چونکی شُمان سیفیدَ بوسته قبرانیَ مانید کی جه بیرون قشنگِ نَما دَرید ولی اوشانِ درون مُرده ئانِ خاش و همه جور نجیستی جا پُره!

لوقا 18:12

هفته ئی دو بار روزه گیرم و جه هر چی کی بدَس اَورم، دَه‌ یک فَدَم.“

یوحنا 5:42

ولی شمرأ خُب ایشناسم کی خُدا محبتَ شیمی دیل درون ناریدی.

اوّل یوحنا 4:20

اَگه ایکس بگه، خُدایَ دوست دَره ولی خو برار جا خَفت بدَره، دوروغگوئه. چون اُ كَس کی خو براره دينه و دوست ناره، نتانه خُداییَ کی نیده یَ دوست بدَره.