لوقا 10:15 - کتاب مقدس به زبان گیلکی - گویش رشت و غرب گیلان

¹⁵ و تو اَی شارِ کَفَرناحوم، تا آسمانِ بُجور خوائی شئون؟ هرگس، بلکی تا بجیر ترین جای جهندم دکفی.»

کیتاب مقدّس به گیلکی (رشتی)

¹⁵ اَی کفرناحومٚ آدمأن، من شمرَ چی بگم؟ فیکر کودیدی کی شیمی جاجیگاه آسمانٚ جوره؟ وأ بدأنید کی شومأن شیدی جهندم.»

Gilaki New Testament

¹⁵ و تو اَی کفرناحوم، آیا آسمأنٚ جؤر شی؟ هیوخت! تو مورده‌یأنٚ دونیأیَ بیجیر شی!»

کتاب مقدس به زبان گیلکی - گویش شرقی

¹⁵ و تو ای شهر کَفَرناحوم، تا آسمؤن گوف جؤر، شنی؟ هَرگی، بَلکه جیرترین جای جهنم میئن کِئنی.

لوقا 10:15 ပူးပေါင်းရင်းမြစ်များ

متّی 10:28

اوشانِ جا کی جانَ کوشید ولی نَتانید روحَ فیگیرید نترسید؛ اونِ جا بترسید کی تانه هم شیمی روح و هم شیمی جانَ، جهندم درون هلاکَ کونه.

متّی 11:23

و تو اَی شارِ کَفَرناحوم، تا آسمانِ بُجور، خوائی شئون؟ هرگس، بلکی تا بجیرترین جای جهندم دکفی. چون اَگه مُعجزاتی کی تی درون انجام بُبوسته، سدومِ شارِ درون دکفته بو تا به ایمرو بجا مانستی.

متّی 4:13

بازون ناصره شارَ تَرکا کود، کَفَرناحوم شار بُشو و اویا بِئسا. کَفَرناحوم، جلیلِ دریا وَر کی زبولون و نفتالی سامانسر نئَه بو، قرار دَشتی.

لوقا 13:28

هو موقع گریه کونیدی و گاز گازِ سر خوائید سابانِن، چونکی ابراهیم و اسحاق و یعقوب و همۀ پیغمبرانَ خُدا پادشائی درون خوائید دِئن، ولی خودتانَ بیرون دینیدی.

لوقا 16:23

ولی هَطوکی اُ دارا، مُرده ئان دُنیا درون چوم وازا کود، خورِه رنج و عذاب درون بیافت. ابراهیمَ جه دور بیده و ایلعازَرَم اون پَهلو.

دوم پطرس 2:4

چونکی اگر خُدا اُ فیریشته ئانِ سر کی گُناه بُکودید رَحم نُکود، بلکی اَشانَ جهندم سیاهچالِ درون ظلماتِ تاریکیَ واسپارد تا اوشان، داوری ره بداشته بیبید؛