یوحنا 6:54 - کتاب مقدس به زبان گیلکی - گویش رشت و غرب گیلان

⁵⁴ هرکی می تَنَ بُخوره و می خونَ بُنوشه، ابدی زیندگی دَره، و من آخر زمات درون، اونَ زنده خوائم کودن.

کیتاب مقدّس به گیلکی (رشتی)

⁵⁴ هر کی می بدنَ بوخوره و می خونَ بنوشه، زندگی‌یٚ اَبدی دأره و من در روزٚ آخر اونَ ویریزأنم.

Gilaki New Testament

⁵⁴ امّا هر کی می جأن و می خونَ بوخوره همیشٚکی زٚندیگی‌یَ دأره، منم قیأمت روجٚ میأن اونَ زٚنده کونم.

کتاب مقدس به زبان گیلکی - گویش شرقی

⁵⁴ هر کسی می تن بخوری و می خونِ وودوشی، ابدی زندگی دَئنه و مو قیامت روز میئن، اونه زنده کوئنم.

یوحنا 6:54 ပူးပေါင်းရင်းမြစ်များ

یوحنا 4:14

ولی هر کی اُ آب جا کی من اون فَدَم بُخوره، دِه هرگَس تشنه نخوائه بوستن، آبی کی من فَدَم اونِ درون ایتا چشمه بِه کی تا ابدی زیندگی جوش کونه و بِسَرَ شه.»

یوحنا 6:27

اُ خوراک واسی کی از بین شه کار نُکونید، بلکی اُ خوراک واسی کی تا ابدی زیندگی بجا مانه کار بُکونید، خوراکیَ کی انسان پسر شمرأ خوائه فدن. چون خُدای پدر، انسان پسرِ سر مُهر تأیید بزه.»

یوحنا 6:47

حئیقتن، شمرأ گَم، هرکی ایمان دَره، ابدی زیندگیَ دَره.

یوحنا 6:55

چونکی می تَن حئیقتی خوردنی و می خون حئیقتی نوشیدنیه.

یوحنا 6:63

خُدا روحه کی زنده کونه؛ جسم هیچ فایده ئی ناره. گبانی کی من شمرأ بگفتم، روح و زیندگیه.

غلاطیأن 2:20

من مسیح مرا صلیبِ سر مصلوب بُبوستم، و اَن دِه من نیم کی زیندگی کونم، بلکی مسیح ایسه کی می درون زیندگی کونه؛ و اَ زیندگی کی هسّا جسم درون کودَن دَرم، خُدا پسرِ ایمانِ مَرا ایسه کی مَره دوست داشتی و خو جانَ می واسی فَدَه.