یوحنا 15:5 - کتاب مقدس به زبان گیلکی - گویش رشت و غرب گیلان

⁵ «من انگوردارم و شُمان اونِ رَزان ایسید. کسی کی می درون بمانه و من اون درون، اون کَسیه کی خَیلی بار اَوره؛ چونکی سیوا جه من، هی کاری نتانید کودن.

کیتاب مقدّس به گیلکی (رشتی)

⁵ «من درختٚ انگور ایسم و شومأن اونٚ شاخه‌یأنیدی. کسی کی در من بمأنه و منم در اون، میوه‌یٚ زیادی اَوره. چونکی بدونٚ من هیچی نتأنیدی بوکونید.

Gilaki New Testament

⁵ «هطویه، من انگور رٚز ایسٚم، شومأنم می خألأن. هر کی در من بئیسه و منم در اون، ویشتر مِیوه دِهه چونکی بودونٚ من هیتأ کأری نتأنیدی بوکونید.»

کتاب مقدس به زبان گیلکی - گویش شرقی

⁵ مو انگور دارَم و شمه اونه رزؤن. کسی که مي میئن بیسی و منم اونه میئن، او کسی ایسّه که خیلی بار أبِنه؛ چونکه می جَی سیوا ببین، هیچی منیئن بکونین.

یوحنا 15:5 ပူးပေါင်းရင်းမြစ်များ

متّی 13:21

ولی چونکی بنِه ناره، فقط ایپیچه دوام اَوره. وقتی کلامِ واسی، سختی یا آزار بیدینه، هو دَم تاش خوره.

یوحنا 12:24

حئیقتن، شمرأ گَم، اَگه گندمِ دانه خاکِ درون دنکَفه و نیمیره، تنها مانه ولی اَگه بمیره خَیلی بار اَورِه.

یوحنا 15:16

شُمان نیبید کی مَرا انتخاب بُکودید، بلکی من شمرأ انتخاب بُکودم و شمرأ اوسه کودم تا بیشید و میوه باورید و شیمی میوه بمانه، تا هر چی کی می پئر جا، می نام مرا بخوائید شمرأ فَده.

یوحنا 5:19

پس عیسی اَطو اوشانَ جواب بدَه: «حئیقتن، شمرأ گَم کی پسر خودِش جا نتانه کاری بُکونه مگه اُ کارانی کی دینه اونِ پئر انجام دئه؛ چون هر‌چی پئر کونه، پسرَم هو کارَ کونه.

یوحنا 9:33

اَگه اَ مردای جه خُدا طرف نُبو، نتانستی کاری بُکونه.»

اعمالٚ رسولأن 4:12

جغیر اون هیکّس درون نیجات نَنه، چونکی هی نامی دِه آسمان جیر آدمیانَ فدَه نُبوسته تا اونِ اَمرا نیجات بیگیریم.»

رومیأن 12:5

پس اَمانم کی زياديم، مسیحِ درون ایتا تن ایسیم و تک به تک، همدیگر اعضا ایسیم.

رومیأن 6:22

ولی هسّا کی شُمان گناهِ جا آزادَ بوستید و خُدا نوکران بُبوستید؛ اونِ ثمره شمرأ تقدیس بوستن ایسه کی سرآخر ابدی زیندگیَ فارسه.

رومیأن 7:4

اَنه واسی، ای می براران، شُمانم بواسطه ی مسیحِ تن شریعتِ واسی بمردید تا اینفر دیگرِ اَمرا وَصلت بُکونید، یعنی اونِ اَمرا کی مُرده ئانِ جا زنده بُبوست، تا خُدا ره ثمر باوریم.

اوّل قرنتیان 10:16

مگه اُ برکتِ جامَ کی اونِ واسی شُکر کونیم، مسیحِ خونِ درون شریک بوستن نیه؟ مگه اُ نانی کی پلکَ کونیم، مسیحِ تنِ درون شریک بوستن نیه؟

اوّل قرنتیان 12:12

چون هُطوکی تن ایتا ایسه و خَیلی عضو دَره؛ و تمان تن اعضا با اَنکی زیادید، ایتا تن ایسید. مسیح هم هَطو ایسه.

اوّل قرنتیان 12:27

اَطویی، شُمان مسیحِ تن ایسید و تک به تک اونِ اعضا ایسید.

دوم قرنتیان 13:8

چونکی امان نتانیم حئیقت ضد هی کاری بُکونیم، بلکی هر اونچی کی کونیم حئیقت واسی ایسه.

دوم قرنتیان 9:10

اونکی دانه یَ کشاورز ره و نانَ خوردن ره فَدِه، شیمی دانه یَ کشت و کار واسی آماده کوده، برکت دئه و شیمی صالحی محصولَ زیادَ کونه.

غلاطیأن 5:22

ولی خُدا روحِ ثمره، محبت، شادی، صلح و سلامتی، صبر، مهربانی، خُبی، وفاداری،

افسسیان 5:9

چونکی نورِ ثمره، هرجور خُبی، راستی و دُرستی درون پیدا به.

فیلیپیان 1:11

صالحی ثمره جا پُر بیبید كی بواسطه ی عيسی مسيح بار آوره و به خُدا جلال و ستایش کودن فارسه.

فیلیپیان 4:13

من هر کاریَ تانَم بُکونَم، بواسطه ی اونکی مَره قوت دِئه.

فیلیپیان 4:17

نه اَنكی پیشکش دُمبال ببم، بلكی ایتا ثمر دمبال ايسم كی شیمی اعتبارَ خُدا ورجه زیاد کونه.

کولسیان 1:10

تا شیمی رفتار، خُداوند لایق بِبه و بتانید اونَ کاملا خوشحال بُکونید: هر خُبِ کار درون ثمر باوَرید و خُدا ایشناختنِ درون رُشد بُکونید؛

کولسیان 1:6

انجیلی کی شمرأ فارسه، هُطوکی سراسر دُنیا درونَم فاراسه، ثمر آوره و زیادَ به، اوجورکی شیمی میانَم، جه اُ روج کی اونَ بیشتاوستید، و خُدا فیضَ حئیقت درون بفهمستیدی، عمل بُکوده.

یعقوب 1:17

هر خُرّم پیشکش و هر کامل پیشکش، آسمان جا ایسه، نوران پئرِ طرف جا آیه و اونِ درون هی تغییری نَنه و نه هی سایه ئی کی تغییر جا به وجود باموبی.

۱پطرس 2:4

اونِ نزدیک بوستنِ امرا، یعنی اُ زنده سنگ کی مردوم اونَ ردَّ کودید، ولی خُدا ورجه انتخاب بُبوسته و با ارزش ایسه،

دوم پطرس 3:18

بلکی اَمی خُداوند و نجات‌دهنده عیسی مسیحِ فیض و شناختِ درون رشد بُکونید، کی اونَ جه الان تا به ابد جلال بِبه! آمین.