یوحنا 12:6 - کتاب مقدس به زبان گیلکی - گویش رشت و غرب گیلان

⁶ اون اَ گبَ اَنِ واسی کی ناداران ره دیلسوجی کودی نگفته بو، بلکی اَن واسی گفتی کی دوزد بو؛ اون شاگردانِ دخل و خرج کیسه یَ دَشتی و اُ پولِ جا كى اونِ ورجه نئیدی، خورِه اوسادی.

کیتاب مقدّس به گیلکی (رشتی)

⁶ اون اَنه، فقیرأنٚ وستی نوگفتی، بلکی به اَ خاطر گفتی کی خودش دوزد بو. اون مسئولٚ دخل و خرج بو، و از پولی کی اونٚ ورجه بنَه بید، دوزدی کودی.

Gilaki New Testament

⁶ البت اونی دیل فِقِرأنٚ ورجأ ننأبو بلکی اون خودشٚ رِه فیکر کودی، چونکی شأگردأنٚ دخل و خرج پول اونی دٚس نٚهأ بو و اون ویشترٚ وختأن جٚه اَ پول دوزدی کودی.

کتاب مقدس به زبان گیلکی - گویش شرقی

⁶ او ایی گبِ ندارؤنِ دلسوجي بِه نؤته بو، بلکه اینه وسه بوُته که دوز بو؛ شاگردونِ دخل و خرج کیسه اونه دست دبو و پولی که اونه ورجه نَئن خوشِ ویت!

یوحنا 12:6 ပူးပေါင်းရင်းမြစ်များ

متّی 21:13

عیسی اوشانَ بگفت: «بینیویشته بُبوسته کی، ” می خانه، عبادت خانه خوائه بوستن،“ ولی شُمان اونَ دوزدان لانه بساخته ئید.»

لوقا 8:3

یوآنّا خوزا زنانه، هیرودیس مباشیر، سوسن و خَیلی ده زناکان کی خوشان دارائی مرا عیسی و اونِ شاگردانِ خیدمت کودید.

یوحنا 10:13

اون جیویزه چونکی پول واسی کار کونه، چونکی فقط پول دُمباله و گوسفندانِ فیکر نیه.

یوحنا 12:5

«چره اَ عطرَ سیصد دینار نُفروختید، تا اون پولَ نادارانَ فَدید؟»

یوحنا 13:29

بعضیان خیال بُکودید چونکی یهودا دخل و خرج کیسه ی دَره، عیسی اونَ گِه کی اونچی عید واسی لازمه یَ بیهینه، یا اَنکی ایچی نادارانَ فدِه.

اوّل قرنتیان 6:10

دوزان، طمع کاران، عرق خوران، بَد دهن ئان و قاب بازان، خُدا پادشائیَ به ارث نبریدی.

غلاطیأن 2:10

اوشان فقط اَمی جا بخواستید کی ناداران فکر بیبیم، هو کاری کی من خودمم اونِ خواهان بوم.

اوّل تسالونیکیان 5:22

هر جور بَدی جا دوری بُکونید.

یعقوب 2:2

چون اَگه اینفر ایتا اَنگوشتر طلا و قشنگ لباس مَرا شیمی مجلس درون بایه و ایتا نادار آدمم ژندره لباس امرا بدُرون بایه،

یعقوب 2:6

ولی شُمان فقیر آدمَ بی حُرمتی بُکودیدی. مگه پولدار آدمان نیئید کی شیمی سر ظلم کونیدی و شمرأ به محکمه فَاکشیدی؟