یوحنا 10:4 - کتاب مقدس به زبان گیلکی - گویش رشت و غرب گیلان

⁴ وقتی کی تمان خو گوسفندانَ بیرون ببَره، پیشتر جه اوشان قدم اوسانه و گوسفندان اونِ دُمبالسر شید، چونکی اونِ صدای ایشناسیدی.

کیتاب مقدّس به گیلکی (رشتی)

⁴ وختی تومامٚ خو گوسفندأنَ بیرون بره، جولُوتر از اوشأن قدم اوسَنه و گوسفندأن اونَ دونبألسر شیدی، چونکی اونٚ صدایَ شنأسیدی.

Gilaki New Testament

⁴ اون گوسوٚندأنَ پیش دکفه رأ شِه و گوسوٚندأنٚم اونی دونبألسر شٚده چونکی اونی صدایَ شنأسٚده.

کتاب مقدس به زبان گیلکی - گویش شرقی

⁴ وختی خوشِ همته گوسندؤنِ بیرون ببوری، اوشونه پیش تر قدم ویگینه و گوسندؤن اونه دومبالسر شنن، چونکه اونه صدا شنأسنَن.

یوحنا 10:4 ပူးပေါင်းရင်းမြစ်များ

متّی 16:24

بازین عیسی وگردست و خو شاگردانَ بگفت: «اَگه اینفر بخوائه می دُمبال بایه، بایسی خورِه حَشا بُکونه، خو صلیبَ اوسانه و می دُمبال بایه.

یوحنا 10:16

گوسفندان دیگه ئیَم دَرم کی اَ گاچه جا نئیدی. اوشانَم بایسی باورم و اوشان می صدای گوش خوائید دَئن. هو موقع ایتا گله بِه و ایتا چوپان.

یوحنا 10:27

می گوسفندان می صدای گوش دیئیدی؛ من اوشانَ ایشناسم و اوشان می دُمبال اَئید.

یوحنا 10:3

دربان، درَ اون ره وازَ کونه و گوسفندان اون صدای ایشتاویدی؛ اون خودشِ گوسفندانَ به ایسم دوخوانه، و اوشانَ بیرون بره.

یوحنا 10:5

اوشان غریبه دُمبال نیشید، بلکی اونِ جا فرار کونید، چونکی غریبه ئانِ صدایَ نیشناسیدی.»

یوحنا 10:8

اوشانی کی پیشتر جه من باموئید، همتان دوزد و رازَنید، ولی گوسفندان اوشانَ گوش ندَئیدی.

یوحنا 12:26

اونکی بخوائه مَرا خیدمت بُکونه، بایسی مَرا دُمبال بُکونه؛ و جایی کی من بئسَم، می خیدمتکارم ایسا. کسی کی مَرا خیدمت بُکونه، می پئر اونَ عزَّت خوائه دَئن.»

یوحنا 13:15

من اَ کار مرا، شمرأ نیشان بدم تا شُمانم هُطو رفتار بُکونید کی من شیمی اَمرا بُکودم.

یوحنا 18:37

بازین پیلاتُس عیسی جا واورسه: «پس تو ایتا پادشائی؟» عیسی جواب بدَه: «تو بگفتی کی من ایتا پادشایم. چونکی من جه اَ رو بزاسته بُبوستم و جه اَرو اَ دُنیا درون باموم تا حئیقت ره گُوائی بدَم. هر کی حئیقت شین ایسه، می گبَ گوش دئه.»

یوحنا 3:29

عروس دولید شینه، ولی دولید رفق کی ایتا گوشه ایسا اونَ گوش دئه اونِ صدای ایشتاوستن جا خَیلی ذوق کونه. هنه واسی منم حیسّابی ذوق کونم.

اوّل قرنتیان 11:1

پس، می جا سرمقش بيگيريد، هُطوکی من مسيح جا سرمقش گيرم.

افسسیان 5:1

پس هُطو عزیز زاکانِ مانستن، خُدا جا سرمشق بیگیرید.

عبرأنیأن 12:2

و اَمی چوم فقط به عیسی بِبه کی اَمی ایمانِ پِی ایسه و اَمی ایمانَ کاملَ کونه، و اُ شادی واسی کی اونِ جُلُو نَئه بو، صلیبَ تاب باوَرد و اونِ خِفت و خواریَ نیده بو بیگیفت و خُدا راستِ دَسِ تختِ ور نیشته.

عبرأنیأن 6:20

اُ جایی کی عیسی جُلوتر جه اَمان و اَمی واسی بدرون بُشو، و تا ابد پیله کاهن بُبوست، مِلْکیصِدِق رَدّه درون.

۱پطرس 2:21

چون، شُمان هنه ره دعوت بُبوستید، چونکی مسیح ئَم شیمی واسی عذاب بکشه و شمرأ ایتا نمونه بَنه، تا هو رائی کی اون بُشو، شُمانم بشید.

۱پطرس 4:1

پس جه اویا کی مسیح جسم درون عذاب بکشه، شُمانم شمرا اَ طرز فیکر امرا حاضر و آماده بُکونید، چونکی هرکس کی جسمِ درون عذاب بکشه، دهِ گُناهِ مرا کاری ناره،

۱پطرس 5:3

نه اَنکی اوشانِ سر کی شیمی دَس واسپارده بُبوستید آقایی بُکونید، بلکی اُ گله ره ایتا نمونه بیبید،