یعقوب 5:19 - کتاب مقدس به زبان گیلکی - گویش رشت و غرب گیلان

¹⁹ می براران، اَگه ایکَس شیمی میان حقیقتِ جا دورَ به و اینفر دیگر اونَ واگردانه،

Gilaki New Testament

¹⁹ جأنٚ دیلٚ برأرأن، اگه اینفر رأستٚ رأ جَا کجٚ بو و خو ایمأنَ جٚه دٚس بٚدأ، امّا اینفر اونَ یاور بٚده تأ حِئقتٚ ور وأگرده،

کتاب مقدس به زبان گیلکی - گویش شرقی

¹⁹ می برارون، اگه یه نفر شیمه میئن حقیقت جی دورَ بی و یک نفر دیگه اونه وگردوئنی

یعقوب 5:19 ပူးပေါင်းရင်းမြစ်များ

متّی 18:15

اَگه تی برار تره بدی بُکود، اونِ ورجه بوشو و خودت و اون میان، اونِ اشتبایَ اونِ گوشزد بُکون. اَگه تی گبَ قُبیل بُکود، تی برارَ ایوار ده بیافته ئی

لوقا 22:32

ولی من تره دُعا بُکودم تا تی ایمان از بین نشه. پس هُطو کی واگردَستی، تی برارانَ قوت بده.»

غلاطیأن 6:1

ای براران، اگر ایکس ایتا خطا بُکونه، شُمان کی خُدا روحَ دَریدی بایستی ملایمِ روحِ امرا اونَ راستِ راهِ سو واگردانید. تی حواس به خودت بِبه، کی، تونَم وسوسه درون دَنکفی.

اوّل تیموتائوس 6:10

چونکی پول دوستی هر رَقَم بَدی، ریشه ایسه. و هه پولِ حرصِ واسی ایسه کی بعضیان ایمانِ جا دورَ بیدی، و خوشانَ خَیلی دَردانِ گرفتار بکودیدی.

اوّل تیموتائوس 6:21

چونکی بعضی آدمان کی اَ چیانِ درون اِدعا دَریدی، ایمانِ جا دورَ بوستید. فیض تی امرا بِبه.

دوم تیموتائوس 2:18

کی حئیقتِ جا واگردستید و گیدی، اُ روج کی مُرده ئان زنده بیدی، هه الانِ و اَطویی بعضیانِ ایمانَ از بین بَریدی.

عبرأنیأن 5:2

اون تانه نادانان و گمراهانِ مرا نرمی امرا رفتار بُکونه، چونکی اون خودش ضعف دَره.

یعقوب 1:16

می عزیز براران، گول نُخورید!

یعقوب 1:19

می عزیز براران اَنه بدانید: هر‌کَس بایستی اِشتاوَستن درون تُند، گب زئن درون یواش و غیظ درون آرام بِبه!

یعقوب 3:14

ولی اَگه شیمی دیل درون زرخِ حسودی و خودخوائی دَریدی، شمرأ نیگیرید و ضد حئیقت گب نزنید.

یعقوب 5:20

اَ آ دم، بدانه هرکَس کی ایتا گُناهکارَ گُمراهی جا واگردانه، اونِ جانَ مرگِ جا نجات بِدَه دَره و خَیلی گُنائانَ خوائه پوشانِئن.

دوم پطرس 3:17

پس شُمان ای عزیزان، هسّا کی اَنه دَانیدی، بپائید کی نَبه بی‌دینانِ نادُرستِ راه درون گمراه بیبید و شیمی پایداری‌َ جه دَس بدید.

یهودا 1:11

وای بحالِ اوشان! چونکی هو راهیَ بشوئید کی قائِن بشو، و خوشانِ منفعتِ واسی، بَلعامِ غلطِ راهِ درون دَکَفتید و قورَحِ شورشِ درون، هلاک بُبوستیدی.