یعقوب 4:6 - کتاب مقدس به زبان گیلکی - گویش رشت و غرب گیلان

⁶ ولی خُدا ویشتر فیض بخشِه. اَنه واسی گه: «خُدا اوشانِ جُلُو کی مغرورید ایسه، ولی فروتنانَ فیض بخشه.»

Gilaki New Testament

⁶ ولی نوأستی جٚه خأطرٚ دیم کی خودا اَطوچی شیطانی خأسته‌یأنٚ روبرو ایسأنٚ رِه اَمٚرَه ویشتر فیض بخشه. اَطویی، موقدسٚ کیتأبأن فرمأیٚده: «خودا، خودخأیأنٚ جولو ایسه ولی فروتنأنٚ فیض بخشه.»

کتاب مقدس به زبان گیلکی - گویش شرقی

⁶ ولی خدا بیشتر فیض بخشنه، اینه واسه گونه: «خدا اوشونِ جلو که مغرورن، ایسنه، ولی فروتنؤنِ فیض بخشنه.»

یعقوب 4:6 ပူးပေါင်းရင်းမြစ်များ

متّی 13:12

چون اونیَ کی دَره، ویشتر فَدَه بِه تا به فَتّ و فراوانی بدَره، و جه اونی کی ناره، هونیم کی دَره فیگیفته خوائه بوستن.

متّی 23:12

چون هر کی خودشَ پیله بُکونه، کوچیکَ به و هر کی خودشَ کوچیک بُکونه، پیله خوائه بوستن.

لوقا 1:52

حاکمانَ جه تخت بجیر فاکشه و فقیرانَ بُجورمرتبه بُکوده؛

لوقا 14:11

چونکی هرکی خورِه پیله بُکونه، پست خوائه بوستن، و هرکی خوره پست بُکونه، پیله خوائه بوستن.»

لوقا 18:14

شمرأ گَم کی اُ مردای نه، بلکی اَ خراجگیر، صالح حیسّاب بُبوست و بخانه بُشو. چونکی هر کی خورِه پیله نیشان بده کوچیک خوائه بوستن و هر کی خورِه کوچیک بُکونه، پیله خوائه بوستن.»

یعقوب 4:10

خُداوند جُلُو شمرأ فروتن بُکونید کی اون شمرأ سربلند کونه.

۱پطرس 5:5

هُطوئم شُمان اَی جوانان، ریش سفیدانِ جا اطاعت بُکونید. شُمان همتان شیمی رفتار درون همدیگر امرا، فروتنیَ دُکونید، چونکی، «خُدا مغرورانِ جُلُو ایسه، ولی فروتنانَ فیض دئه.»