یعقوب 2:25 - کتاب مقدس به زبان گیلکی - گویش رشت و غرب گیلان

²⁵ هُطوئَم مگه فاحشه راحاب خو اعمال مرا صالح بیشمارده نُبوست، اُ موقع کی قاصدانَ پناه بِدَه و اوشانَ ایتا دیگه راهِ جا روانه کود؟

Gilaki New Testament

²⁵ راحابم کی خرأب دأشتی ایتأ ده هطوچی مثأل اَ موضو رو ایسه. اون خو کردکأرأنٚ اَمرأ نیجأت بیأفت، چون خودا قومٚ مأمورأنٚ جیگأ بٚدأ و بأزین، اَشأنٚ جٚه دِه ایتأ رأ سلأمتی اَمرأ اوسه کوده.

کتاب مقدس به زبان گیلکی - گویش شرقی

²⁵ هیطورم، مگه فاحشه راحاب خودشه اعمال أمره صالح بشمرده نوبؤ هووخت که قاصدون پناه بدا و اوشونه یکته ده راه جی سرادا؟

یعقوب 2:25 ပူးပေါင်းရင်းမြစ်များ

متّی 1:5

سَلمون، بوعَزِ پئر بو، اونِ مار راحاب بو، بوعَز، عوبیدِ پئر بو، اونِ مار روت بو، و عوبید یَسا پئر بو،

متّی 21:31

کویتا جه اُ دوتا پسر خو پئرِ خواسته یَ انجام بدَه؟» اوشان جواب بدَه ئید: «اوّلی.» عیسی اَشانَ بگفت: «حئیقتن، شمرأ گَم، خراجگیران و هَرزه ئان، پیش جه شُمان خُدا پادشائی درون شیدی.

اعمالٚ رسولأن 17:7

و یاسون اَشانَ خو خانه ببرده. اَشان همتان، روم امپراطور، قیصر دستوراتِ جا سرپیچی کونیدی و ادعا کونید کی ایتا دیگه پادشاه ایسَا کی عیسی نام دَره.»

عبرأنیأن 11:31

ایمانِ امرا بو کی فاحشه راحاب، اوشانِ امرا کی نافرمان بید بُکوشته نُبوست چونکی اون، جاسوسانَ گرمی امرا قُبیل بُکود.

یعقوب 2:18

ولی امکان دَره کی اینفر بگه: «تو ایمان دَری و مَنم اعمال دَرم!» تو تی ایمانَ بی اعمال مَرا نیشان بَدن و منم می ایمانَ می اعمال مَرا تَره نیشان دئم.

یعقوب 2:22

دینی کی اونِ ایمان و اعمال با هم کار کودید، و اونِ ایمان، اونِ اعمال مَرا کامل بُبوست.

یعقوب 2:24

پس دینیدی اعمال اَمرایِ کی آدمی صالح بیشمارده به، نه فقط ایمان مَرا.