عبرأنیأن 3:5 - کتاب مقدس به زبان گیلکی - گویش رشت و غرب گیلان

⁵ هسّا، موسی ایتا خادمِ مانستن تمانِ خُدا خانه درون وفادار بو، تا اُ چیانِ درون کی بایستی دُمبال تر بگفته بِبه، گواهی بدِه.

Gilaki New Testament

⁵ موسا همٚتأ کأرأنٚ دورون خودا خأنه‌یَ وفأ کودنٚ اَمرأ خیدمت بوکوده، ولی اون فقد ایتأ خیدمتگوزأر بو؛ و جٚه اوّل اونی کأر ویشتر، گووأ دٚئن دروأره‌یٚ او کأرأنی بو کی وأستی خودا اوشأنٚ پٚسی گب بٚزٚنه.

کتاب مقدس به زبان گیلکی - گویش شرقی

⁵ ایسه موسی تمؤم خدا خونه میئن، یکته خدمتکار مورسؤن وفادار بو، تا او چیزون مئن که خا دومبالتر بوته ببی، گوایی بدی.

عبرأنیأن 3:5 ပူးပေါင်းရင်းမြစ်များ

متّی 24:45

«پس اُ غلامِ امین و دانا کیسه، کی اونِ ارباب اونَ خو خانه پیله تر چاکونه تا اوشانِ خوراکَ به موقع فَدِه؟

متّی 25:21

اونِ ارباب جواب بدَه: ”آفرین، اَی خُبِ و امین خیدمتکار! کوج کاران درون اَمین بی، پس تره پیله کاران سر نئم. بیا و تی اربابِ شادی درون شریک بُبو!“

لوقا 12:42

عیسی خُداوند بگفت: «پس اُ مباشیر اَمین و دانا کیسه کی اونِ ارباب اَنه خو خیدمتکاران خانه پیله تر چاکونه تا اوشانِ خوراک سَامَ بموقع فَده؟

لوقا 24:27

عیسی بازین جه موسی و همۀ پیغمبران و اونچیَ کی تمان مُقدّسِ کِتابان درون اون باره بگفته بُبوسته بو، اَشان ره بنا به گب زئن بُکود.

لوقا 24:44

هو موقع عیسی اوشانَ بگفت: «اَن هونیه کی وقتی شیمی مرا بوم گفتیم، اَن کی تمان اونچی موسی تورات درون و پیغمبرانِ کِتابان و مزامیر درون می باره بینیویشته بُبوسته، بایسی به انجام فارسه.»

یوحنا 5:39

شُمان مُقدّس کتابانَ واموجیدی، چونکی گُمان کونید بواسطه ی اون، ابدی زیندگی دَریدی، هسّا هه کتابان مرا گُوائی دیئیدی.

اعمالٚ رسولأن 28:23

اوشان ایتا روجَ معیَن بُکودید و خَیلیان اُ جائی کی پولُس ایسابو باموئید تا اونَ بیدینید. پولُس شبنده روج، خُدا پادشائی باره اوشانِ ره گوائی دئی. اون، تَقلّا بُکود موسی تورات و پیغمبران بینیویشته ئانِ مرا، اوشانَ قانع بُکونه کی عیسیَ قُبیل بُکونید.

اعمالٚ رسولأن 7:37

«هه موسی یعغوبِ نسلَ بگفت: ”خُدا شیمی براران میان، ایتا پیغمبر، مَره مانستن شیمی ره اوسه کونه.“

رومیأن 3:21

ولی هسّا جدا از شریعت، اُ صالحی کی خُدا جا ایسه آشکارَ بوسته، هُطوکی شریعت و پیغمبران اونِ ره گُوائی دیئیدی.

اوّل قرنتیان 4:2

بعلاوه، مباشر جا اینتظار دَریدی کی وفادار بِبه.

اوّل تیموتائوس 1:12

اَمی خُداوند مسیحْ عیسیَ شُکر کونم کی مَره قوت بدَه، چونکی مَره وفادار بدانست و مَره خو خیدمتِ ره معین بُکود،

عبرأنیأن 1:1

قدیمان، خُدا چندین و چن وار و جورواجور رائانِ درون، بواسطه پیغمبران، اَمی پئرانِ اَمرا گب بزه،

عبرأنیأن 3:2

کی نسبت به اونکی اونَ معین بُکود وفادار بو، هُطوکی موسی ئم تمانِ خُدا خانه درون وفادار بو.

عبرأنیأن 3:4

چونکی هرتا خانه اینفرِ دسِ مرا چاکوده به، ولی اونکی تمانِ چیانَ چاکونه خُدایِ.

عبرأنیأن 8:5

ولی اوشان آسمانی چیانِ نمونه و سایه یَ خیدمت کونیدی. چون اُ زمات کی موسی خواستی خیمه یَ برپا بُکونه، خُدا اونَ فَرمان بدَه و بگفت: «تی حواس بمانه همه چیَ عَینِ اُ نمونه ای کی کوه درون تَره نیشان بدَه بُبوسته، چاکونی.»

عبرأنیأن 9:24

چونکی مسیح اُ قُدس الاقداس کی دسِ مرا بساخته بُبوسته و فقط اُ حقیقی چیانِ جا ایتا نمونه ایسه بُدرون نُشو، بلکی به خودِ آسمان بُشو تا اَمی طرفِ جا خُدا محضر میان ظاهر بِبه.

موکأشفه 15:3

و اوشان خُدا خادم، موسی سرود، و بَرّه سرودَ خوانديد و گفتیدی: «تی کاران پیله و عجیبِ، اَی خُداوندْ خُدای قادرِ مطلق تی رائان چنقدر عدل و حقِّ، اَی ملتّانِ پادشاه.