عبرأنیأن 13:20 - کتاب مقدس به زبان گیلکی - گویش رشت و غرب گیلان

²⁰ هسّا کی صلح و سلامتی خُدا، بواسطه اُ اَبدی عهدِ خون، اَمی خُداوند عیسیَ مُرده ئانِ جا زنده بُکود یعنی گوسفندانِ پیله شبانَ،

Gilaki New Testament

²⁰ و هسأ دوعأ کونم او خودا حوضورٚ میأن کی آرأمٚش اونی جَا شورو بِه، او خودا حوضور میأن کی اَمی خوداوند عیسایَ کی گوسوٚندأنٚ پیله شبأن ایسه مٚردنٚ پٚسی زٚنده کوده و اونی خونٚ اَمرأ، اَبدی قول و قرأرَ قوبیل بوکود؛

کتاب مقدس به زبان گیلکی - گویش شرقی

²⁰ الؤن که صلح و سلامتی خدا، بواسیطه او ابدی عهد خون، امئه خداوند عیسی بمرده ئان جی زینده واگوده، یعنی گوسندؤن پیله گالش،

عبرأنیأن 13:20 ပူးပေါင်းရင်းမြစ်များ

متّی 26:28

اَنه می خون، جدیدِ عهدِ ره کی خَیلیانِ گُنائان بخشئنِ واسی فُووسته به.

مَرقُس 14:24

و عیسی اَشانَ بگفت: «اَنه می خون، خونِ عهد، کی خیلیانِ واسی فووسته به.

لوقا 22:20

جه اَرو، بعدِ شام جامَ اوساد و بگفت: «اَ جام، جدیدِ عهدِ می خون درون کی شیمی واسی فووسته به.

یوحنا 10:11

«من خُرُم چوپانم. خُرُم چوپان خو جانَ خو گوسفندان ره نئِه.

یوحنا 10:14

من خُرُم چوپانم. من می گوسفندانَ ایشناسم و می گوسفندان مَرا ایشناسیدی،

اعمالٚ رسولأن 13:30

ولی خُدا عیسیَ مُرده ئان جا زنده بُکود.

اعمالٚ رسولأن 17:31

چونکی اون، ایتا روجَ تعیین بُکوده کی اونِ درون بواسطه ایتا مَردای کی مُعین بُکوده دَره دُنیایَ عدالت اَمرا داوری خوائه کودن، و اونِ زنده کودن مرا مُرده ئان جا، همه کَسَ جه اَ کار خاطر جَم بساخته.»

اعمالٚ رسولأن 2:24

خُدا اونَ مرگِ عذابانِ جا نیجات بدَه و اونَ زنده بُکود، چون محال بو کی مرگ بتانه اونَ خو چنگ درون بدَره.

اعمالٚ رسولأن 2:32

خُدا هه عیسیَ زنده کود و اَمان همتان اَنه واسی شاهدیم.

اعمالٚ رسولأن 3:15

شُمان اونیَ کی زیندگی سرچشمه بو، بُکوشتید ولی خُدا اونَ جه مُرده ئانِ میان زنده بُکود و اَمان اَ چیانِ شاهِدان ایسم،

اعمالٚ رسولأن 4:10

پس شُمان همتان و تمان یهودِ مردوم بدانید کی عیسی مسیح ناصری نام اَمرا یِ کی اَ مردای شیمی جُلُو ساق و سالِم بپا ایسأ، به نام اُ کسی کی شُمان اونَ مصلوب بُکودید ولی خُدا اونَ مُرده ئان جا زنده بُکود.

اعمالٚ رسولأن 5:30

اَمی پئرانِ خُدا، عیسیَ مُرده ئان جا زنده بُکود، هو عیسی کی شُمان اونَ دار بزه ئید، و بُکوشتید،

رومیأن 1:4

و طبق روحِ قدّوسیت، خو زنده بوستن مَرا مُرده ئانِ جا، قوتِ درون اعلام ببوست کی خُدا پسر ایسه، یعنی اَمی خُداوند عیسی مسیح.

رومیأن 10:7

یا «”کیسه کی مُرده ئانِ دُنیا درون بشه؟“»- تا مسيح‌َ مُرده ئانِ جا زنده بُکونه.

رومیأن 15:33

صلح و سلامتی خُدا شیمی همتانِ اَمرا ببه. آمین.

رومیأن 16:20

صلح و سلامتی خُدا خَیلی زو شیطانَ شیمی لنگانِ جیر له کونه. اَمی خُداوند عیسی فیض شیمی اَمرا بِبه.

رومیأن 8:11

اگه روحی کی عیسیَ مُرده ئانِ جا زنده بُکود شیمی درون بمانه، اونی کی مسیح عیسیَ مُرده ئانِ جا زنده بُکود، بواسطه خودشِ روح کی شیمی درون نَئه، شیمی مَردَنی تَنانَم زیندگی دِئه.

اوّل قرنتیان 14:33

چونکی خُدا، هرج و مرجی خُدا نیه، بلکی صلح و سلامتی خُدایِ. هُطوکی تمانِ مُقدسینِ کلیسائان درون اَطویه.

اوّل قرنتیان 15:15

امان حتی خُدا ره دوروغِ گُوائان بحساب آئیم، چونکی خُدا باره گُوائی بدَه ایم کی مسیحَ مُرده ئانِ جا زنده بُکود، کی اَگه مُرده ئان زنده نیبید، پس خُدا اونَ زنده نُکوده.

اوّل قرنتیان 6:14

و خُدا، خُداوندَ مُرده ئانِ جا زنده بُکود و اَمرَم خو قوت اَمرا زنده خوائه کودن.

دوم قرنتیان 13:11

آخر بسر، ای براران، شاد بیبید. شیمی فیکر اَن بِبه کی از سر قوت بگیرید، همدیگرَ تسلی بدید، همدیگرِ اَمرا هم رای بیبید، صلح و سلامتی درون زیندگی بُکونید؛ و خُدای محبت و صلح و سلامتی، شیمی اَمرا مانه.

دوم قرنتیان 4:14

چونکی دانیم اونکی عیسای خُداوندَ مُرده ئانِ جا زنده بُکود، اَمرَئَم عیسی مَرا زنده بُکوده و شیمی اَمرا اونِ محضر درون خوائه آوردن.

غلاطیأن 1:1

جه پولُس، رسولی کی اونِ رسالت نه آدمان جا و نه بواسطه آدم، بلکی بواسطه عیسی مسیح و خُدای پئر ایسه کی اونَ مُرده ئان جا زنده بُکود،

افسسیان 1:20

کی اونَ مسیح درون بِکار بیگیفت، اُ وقت کی اونَ مُرده ئان جا زنده بُکود و آسمانی جیگائان درون، خو راستِ دس وَر بنیشانه،

فیلیپیان 4:9

اونچی کی می جا باموختیدی و بدَس باوردید، بيشتاوَستید و می درون بيده‌ئيد، اَشانَ انجام بديد، و خُدا صُلح و سلامتی شیمی اَمرا خوائه ایسان.

کولسیان 2:12

اونِ امرا غُسل تعمید درون دفن بُبوستید و بواسطه ی ایمان به خُدا قدرت، کی مسیحَ مُرده ئان جا زنده بُکود، اونِ مرا زنده بُبوستیدی.

اوّل تسالونیکیان 1:10

و تا خُدا پسر آمونِ رافا آسمانِ جا بیبید، کی خُدا اونَ مُرده ئانِ جا زنده بُکود، یعنی عیسی، کی اَمرا اُ غضبِ جا کی در پیشِ رهایی دِئه.

اوّل تسالونیکیان 5:23

هسّا، صلح و سلامتی خُدا، خودش شمرأ تمام و کمال، تقدیس بُکونه، و شیمی روح و جان و تن تا اَمی خُداوند عیسی مسیح آمون، بی عیب بمانه.

دوم تسالونیکیان 3:16

هسّا، صلح و سلامتی خُداوند، خودش هر زمات و هر وضع درون شمرأ صلح و سلامتی فَدِه. خُداوند شیمی همتانِ امرا بِبه.

عبرأنیأن 10:22

بائید ایتا راستِ دیل و تمان و کمالِ ایمانِ مرا، خُدایَ نزدیک بیبیم، و اَمی دیلانَ بدِ وجدانِ جا پاکَ کونیم و اَمی تن ئانَ پاکِ آبِ مرا بُشوریم.

عبرأنیأن 10:29

شُمان خیال کونیدی، اونِ حَقّ، کی خُدا پسرَ پا جیر بَنه و اُ عهدِ خونَ کی اونِ ره وقف بُبوسته، بی حرمت بُکوده، و فیضِ روحَ بی عزّت بُکوده، چی بَدترِ مجازات اونِ سر خوائه آمون؟

عبرأنیأن 9:20

و بگفت: «اَنه اُ عهدِ خون کی خُدا شمرأ حکم بُکود.»

۱پطرس 1:21

شُمان کی بواسطۀ اون، خُدایَ ایمان باوردید، اُ خُدایی کی اونَ مُرده ئانِ جا زنده بُکود و جلال بدَه، تا شیمی ایمان و اُمید به خُدا بِبه.

۱پطرس 2:25

چونکی شُمان گوسفندانِ مانستن بید کی خوشانِ راهَ گُمَ کوده بید، ولی هسّا شبان و شیمی جانانِ ناظرِ سمت وَگردستید.

۱پطرس 5:4

و اُ موقع کی شبانانِ رئیس ظهور بُکونه، اُ جلالِ تاجَ کی ازبین نیشه، بدَس آوَریدی.