عبرأنیأن 13:12 - کتاب مقدس به زبان گیلکی - گویش رشت و غرب گیلان

¹² هَطوئی، عیسی ئم بیرون جه شارِ دروازه عذاب بکشه تا بواسطه خو خون، مردومَ تقدّیس بُکونه.

Gilaki New Testament

¹² هطویی، عیسایٚم، شهر دروأزه بیرون عذأب بٚکٚشه و جأن بٚدأ جٚه اَ خأطر کی اَمی گونأیأنَ بوشؤره.

کتاب مقدس به زبان گیلکی - گویش شرقی

¹² هیطؤ عیسی نی شهر دروازه بیرین عذاب بکشئه تا بواسیطه خوشه خون مردومه تقدیس بکونی.

عبرأنیأن 13:12 ပူးပေါင်းရင်းမြစ်များ

لوقا 4:29

و ویریشتید، اونَ شار جا بیرون فاکشه ئید و کو لچّه سر کی شار اونِ رو بنا بُبوسته بو ببردید تا جه اویا اونَ بجیر تَوَدید.

یوحنا 17:19

اوشانِ واسی من خودمَ وقف کونم، کی اوشانم حئیقت درون وقف بیبید.»

یوحنا 19:34

ولی ایتا جه سربازان اونِ تکَ نیزه فوغاسته کی هو دَم خون و آب اونِ جا بیرون بزه.

اعمالٚ رسولأن 7:58

و اوشان اونَ فکش دکشِ اَمرا شار جا بیرون ببردید و سنگسار بُکودید. اوشانی کی گُوائی بدَه بید، خوشانِ رختانَ بکندید و ایتا جوان مرداکِ لنگانِ جُلُو کی سولُس نام دَشتی بنه ئید.

اوّل قرنتیان 6:11

بعضی جه شُمان پیشتر اَطو بید. ولی عیسی مسیح خُداوند نامِ درون و بواسطه اَمی خُدا روح بُشوسته بُبوستید، تقدیس بُبوستید و صالح بحساب باموئید.

افسسیان 5:26

تا اونَ خُدا کلامِ آبِ مرا پاک بُکونه و اَطویی کلیسایَ تقدیس بُکونه،

عبرأنیأن 10:10

اَمان بواسطه عیسی مسیحِ تنِ قربانی کودن امرا، ایوار همیشک واسی، اونِ ره وقف بُبوستیم.

عبرأنیأن 10:29

شُمان خیال کونیدی، اونِ حَقّ، کی خُدا پسرَ پا جیر بَنه و اُ عهدِ خونَ کی اونِ ره وقف بُبوسته، بی حرمت بُکوده، و فیضِ روحَ بی عزّت بُکوده، چی بَدترِ مجازات اونِ سر خوائه آمون؟

عبرأنیأن 2:11

چون اونکی تقدیس کونه و اوشانی کی تقدیس بیدی، همه تان ایتا سرچشمه داریدی. جه اَ رو عیسیَ عار نایه کی اوشانَ برار دوخوانه،

موکأشفه 14:20

و اَنگوران شرابِ چاچه درون کی شارِ بیرون نَئه بو، لگد دَمج بُبوست و اُ چاچه جا خون سرازیر بُبوست و خون تا اسبان دَهنه قَد، بُجور بامو و اونِ درازا، سیصد کیلومتر بو.