عبرأنیأن 11:32 - کتاب مقدس به زبان گیلکی - گویش رشت و غرب گیلان

³² دِه چی بگم؟ چونکی دِه وقت نیئه، جِدعون و باراق و شَمشون و یَفتاح و داوود و سموئیل و پیغمبرانِ باره گب بزنَم،

Gilaki New Testament

³² دِه چی مثأل بأوٚرٚم؟ وخت ولأنه کی جدعون، باراق، سامسون، یفتاح، داوود، سموئیل و البأقی پیغمبرأنٚ ایمأنٚ جَا گب بٚزٚنم.

کتاب مقدس به زبان گیلکی - گویش شرقی

³² د چی بوگؤم؟ چون د وقت ننأ تا جدعون و باراق و شمشون و یفتاح و داوود و سموئیل و پیغؤمبرؤن باره گب بزنم

عبرأنیأن 11:32 ပူးပေါင်းရင်းမြစ်များ

متّی 5:12

خوش بیبید و شادی بُکونید، چونکی شیمی پاداش آسمانِ درون پیله یِ. چره کی هُطو، پیغمبرانیَ کی پیش جه شُمان ایسابید اذیت بُکودید.

لوقا 13:28

هو موقع گریه کونیدی و گاز گازِ سر خوائید سابانِن، چونکی ابراهیم و اسحاق و یعقوب و همۀ پیغمبرانَ خُدا پادشائی درون خوائید دِئن، ولی خودتانَ بیرون دینیدی.

لوقا 16:31

ابراهیم اون بگفت: ”اَگه موسی و پیغمبرانِ گوش ندید، حتی اَگه کَسی مُرده ئان جا زنده ببه، قاینا نخوائید بوستن.“‌»

یوحنا 21:25

عیسی خَیلی کارانِ دیگه ئم بُکود کی اَگه ایتا ایتا بینیویشته بُبوسته بو، گُمان نُکونم حتی تمان دُنیا کتابانم اُ بینیوشته ئانِ جایَ دَشتی.

اعمالٚ رسولأن 10:43

تمانِ پیغمبران عیسی باره گُوائی دیئیدی کی هرکس اونَ ایمان باوره، بواسطه ی اونِ نام، اون گُنائانِ بَبَخشه به.»

اعمالٚ رسولأن 13:20

اَشان همه دُوروَر چهارصد و پنجاه سال طول بکشه. «بعدِ اون خُدا، تا سموئیل پیغمبر زمات، داوران اَشانَ فدَه.

اعمالٚ رسولأن 3:24

«تمان پیغمبرانم کی بعد سموئیل باموئید، همتان ایصدا اَ روجان باره پیشگویی بُکودید.

رومیأن 3:5

ولی اَگه اَمی ناراستی خُدا راستیَ آشکارَ کونه، چی بایستی بیگیم؟ مگه خُدا اُ موقع کی اَمی سر غضّب کونه ظالمه؟ آدمِ مانستن گب زِئن دَرم.

رومیأن 4:1

پس اونچیِ باره کی ابراهیم بدس باورد، چی شه گُفتن، اونکی بواسطه جِسم، اَمی جَد بحساب آیه؟

رومیأن 6:1

پس چی بیگیم؟ هُطو گُناه بُکونیم تا فیض زیادَ به؟

رومیأن 7:7

پس چی بیگیم؟ مگه شریعت گُناه ایسه؟ هرگس! با اَحال اگه شریعت نُبو، نانستیم کی گُناه چیسه. چونکی اَگه شریعت نُگفته بو «طمع نُکون»، نانستیم کی طمع کودن چیسه.

یعقوب 5:10

براران، اُ پیغمبرانِ جا کی خُداوند نام اَمرا گب زِئیدی، مصیبت و صبرِ درسَ یاد بیگیرید.

دوم پطرس 1:21

چونکی هی نبّوتی، آدمی اراده مَرا باوَرده نُبوست، بلکی آدم ئان، بواسطه روح‌القدّس خُدا طرفِ جا گب بزِه ئید.

دوم پطرس 3:2

تا اُ کلامی کی مقدّسِ پیغمبران پیشتر بُگفتید و خُداوند و اَمی نجات‌ دهنده حکمَ کی بواسطه رسولان شمرأ فدَه، بیاد باوَرید.