عبرأنیأن 10:11 - کتاب مقدس به زبان گیلکی - گویش رشت و غرب گیلان

¹¹ هرتا کاهن، هر روج خیدمت ره ویریزه و هو قربانیانَ کی هرگس نتانید گُنائانَ پاکَ کونید، دائم تقدیم کونه.

Gilaki New Testament

¹¹ شریعت و سأبٚقٚ عهدٚ موطأبٚق، کأهینأن هر روج مذبح جولو بٚپأ ایسٚده و قوربأنیأنی‌یَ تقدیم کونٚده کی هیوخت نتأنِه گونأیأنَ جٚه بین ببره.

کتاب مقدس به زبان گیلکی - گویش شرقی

¹¹ هرته کاهین هر روز خدمت ئبه ویریسنه و هو قربؤنی ئنه که هرگیز گونائانه پکأگوده منّئن، دایم پیشکش کونه.

عبرأنیأن 10:11 ပူးပေါင်းရင်းမြစ်များ

عبرأنیأن 10:1

چونکی شریعت فقط آینده خُب چیانِ سایه ایسه، و نه اوشانِ واقعی شکل، هنِ واسی، هرگس نتانه اُ قربانیانِ امرا کی هر سال هَطو تقدیم به، اوشانیَ کی پرستشِ ره نزدیک اَئیدی، کامل بُکونه.

عبرأنیأن 10:4

چره کی محالِ ورزائان و بُزئانِ خون گُنائانَ پاکَ کونه.

عبرأنیأن 5:1

چون هر تا پیله کاهن کی مردومِ میان انتخاب به، تعیین به تا اُ کارانِ درون کی خُدایَ ربط دَره مردومِ نماینده بِبه، تا گُنائانِ واسی پیشکشان و قربانی ئانی، خُدا ره تقدیم بُکونه.

عبرأنیأن 7:27

اون دیگر پیله کاهنانِ مانستن، احتیاج ناره کی هر روج اول خودشه گُنائانِ واسی بازون مردومِ گُنائان واسی قربانی بُکونه، چونکی ایوار همیشک ره اَنه انجام بدَه، اُ موقع کی خورَه قربانی بُکوده.

عبرأنیأن 8:2

مقدّسِ جائانِ خیدمتکار، اُ حقیقی خیمه کی خُداوند برپا بُکوده، نه انسان.

عبرأنیأن 8:4

هسّا اگه اون زمینِ سر ایسابی، هرگس کاهن نُبوستی، چون کاهنانی ایسائیدی کی بنا به شریعتِ حکم پیشکشان فَدیدی.