غلاطیأن 3:18 - کتاب مقدس به زبان گیلکی - گویش رشت و غرب گیلان

¹⁸ چونکی اگر ارث، شریعت جا بِبه، دهِ واده جا نیه؛ ولی خُدا اونَ واده راه جا ابراهیمَ فدَه.

Gilaki New Testament

¹⁸ چونکی اگه ارث جٚه شریعتٚ رأیأن بٚدٚس بأمؤبی دِه خودا وعده قوبیل کودنٚ اَمرأ بٚدٚس نأمؤیی. امّا خودا اونَ جٚه وعده رأ روش ایبرأهیمَ بٚبخشه.

کتاب مقدس به زبان گیلکی - گویش شرقی

¹⁸ چون أگه ایرث، شریعت أجی ببون، د وعده أجی نئه؛ اما خدا اونه وعده را یأجی ابراهیمه هدأ.

غلاطیأن 3:18 ပူးပေါင်းရင်းမြစ်များ

رومیأن 8:17

اَگه خُدا زاکانیم، پس وارثانَم ایسیم، یعنی خُدا وارثان و مسیحِ اَمرا، ارثِ درون شَریکیم. به شرطی که اَمانَم اونِ اَمرا عذاب بکشیم، تا امانَم اونِ اَمرا جلال پیدا بُکونیم.

غلاطیأن 2:21

من خُدا فیضَ باطل نُکونَم، چونکی اگر صالحی، شریعتِ راهِ جا بدَس آموئی، پس مسیح هَچین بَمرد.

غلاطیأن 3:10

چون تمانِ اوشانی کی خوائیدی شریعت اعمالَ انجام بدید، همتان لعنتِ جیرید، چره کی توراتِ کتاب درون بینیویشته بُبوسته: «لعنت بِبه، هرکسَ کی، تمانِ اونچی کی شریعتِ کتاب درون بینیویشه بُبوسته یَ پایبند نَبه و اوشانَ به جا ناوَره.»

غلاطیأن 3:12

ولی شریعت ایمانِ جا نیئه، بلکی «ایکس کی اَشانَ انجام دئه، اوشانِ درون زیندگی خوائه کودَن.»

غلاطیأن 3:16

هسّا، ابراهیم و اونِ نسلَ واده ئان فدَه بُبوست. نیگه: «و نسل ئانَ،» هُطوکی انگار خَیلیانِ باره بِبه، بلکی گه: «تی نسلَ» کی منظور مسیح ایسه.

غلاطیأن 3:26

چونکی مسیحْ عیسی درون شُمان، همتان بواسطه ایمان، خُدا پسرانید.

غلاطیأن 3:29

و اگر شُمان مسیح شین ایسید، پس ابراهیمِ نَسلید و بنا به واده، وارثانم ایسید.