افسسیان 4:32 - کتاب مقدس به زبان گیلکی - گویش رشت و غرب گیلان

³² همدیگر مرا مهربان و دیلسوج بیبید و هُطوکی خُدا شمرأ مسیحِ درون ببخشه، شُمانم همدیگرَ ببخشید.

Gilaki New Testament

³² و در عوض کس‌کسٚ اَمرأ مهرٚوأن و دیلسوج بیبید و کس‌کسَ بٚبٚخشید، هطو کی خودایٚم، مسیحٚ وأسی شٚمٚره بٚبخشه.

کتاب مقدس به زبان گیلکی - گویش شرقی

³² کس کسون همرأ مهربؤن و دیلسوج ببین و هوطو کی خدا شمره مسیح مئن ببخشئه، شمرأم کس کسه ببخشین.

افسسیان 4:32 ပူးပေါင်းရင်းမြစ်များ

متّی 6:12

و اَمی قرضانَ ببخش، چونکی امانَم اَمی قرض دارانَ بخشیم.

مَرقُس 11:25

«پس هر وقت دُعا کونیدی، اَگه اینفر جا ایچی بدیل دَرید، اونَ ببَخشید تا شیمی پئرم کی آسمان درون ایسا، شیمی تخصیراتَ ببَخشه.

لوقا 1:78

چونکی اَمی خُدا ایتا دیل دَره پُر جه رَحمت، جه اَ رو، جه بُجوری آسمان، آفتاو، امرا فتاوه.

لوقا 11:4

اَمی گُنائان ببَخش، چونکی اَمان ئم همه اَمی قرضداران بخشیم. و امرا امتحان درون تانوَد.“‌»

لوقا 17:4

اَگه هفت مرتبه ایتا روج درون تره گُناه بُکونه، و هفت مرتبه تی ورجه بایه و بگه: ”توبه کونم“، بایسی اونَ ببخشی.»

لوقا 6:35

ولی شُمان، شیمی دُشمندان محبت بُکونید، خُبی بُکونید، و بی اونکی بدانید شمرأ واگردانیدی، دَس قرض فادید، چونکی شیمی پاداش پیله یه و خُدای متعالِ زاکان خوائید بوستن، چونکی خُدا ناشُکران و شرورانِ مرا مهربانه.

لوقا 6:37

«قضاوت نُکونید تا شمرأ قضاوت نُکوند. محکوم نُکونید تا محکوم نیبید. گُذشت بُکونید تا شمرأ گُذشت بُکوند.

اعمالٚ رسولأن 28:2

جزیره مردومان، اَمرا خَیلی مُحبت بُکودید و اَمرا به گرمی قُبیل بُکودید. اوشان اَمرا، آتش واگیرانه ئید چونکی وارش اَمون دوبو و هوا سرد بو.

رومیأن 12:10

برار مانستن همدیگرَ دوست بدَرید. احترام کودنِ درون همدیگرِ جا پیش دَکَفید.

اوّل قرنتیان 13:4

محبت، صبور و مهربانِ؛ محبت حسودی نُکونه و گُلاز نُکونه؛ محبت غُرور ناره.

دوم قرنتیان 2:10

هر کسیَ کی شُمان ببخشید، منم اونَ بخشَم. و راس راسی اَگه اینفرَ ببخشم- البت اَگه دلیلی بخشئن واسی بِبه - من شیمی واسی، مسیح محضر میان اَطو بُکودَم،

دوم قرنتیان 2:7

پس دِه بایستی اونَ ببخشید و اونَ دیلداری بدید، نَبه کی زیادی غُرصه، اونَ تاوَده.

دوم قرنتیان 6:6

پاکی اَمرا، دانایی اَمرا، صبر اَمرا، مهربانی اَمرا، روح‌ القدّوس اَمرا، بی‌ریا محبت اَمرا،

افسسیان 5:1

پس هُطو عزیز زاکانِ مانستن، خُدا جا سرمشق بیگیرید.

یعقوب 5:11

ولی خوش بحال اوشانی کی صبر و تحمل بُکودید. شُمان ایوبِ صبر و تحمل باره بیشتاوستید، و دانیدی کی خُداوند آخربسر اونِ امرا چی بُکود، چونکی خُداوند بی حد حیساب مهربان و بخشنده یِ.

دوم پطرس 1:7

و دینداری امرا، برارانه دوست داشتن، و برارانه دوست داشتنِ امرا، محبت.

اوّل یوحنا 1:9

اَگه اَمی گُنائانَ اعتراف بُكونيم، اونکی وفادار و عادلِ، اَمی گُنائانَ بخشه و هر نادُرُستی جا امرا پاکَ كونه.

اوّل یوحنا 2:12

اَی کوجه زاکان، شمرأ نيويسَم، چونكی شیمی گُنائان اونِ نامِ واسی ببخشه بُبوست.