افسسیان 2:15 - کتاب مقدس به زبان گیلکی - گویش رشت و غرب گیلان

¹⁵ رسم و رسومَ کی شریعتِ احکام درون بو باطلَ کود، تا خودشِ درون عوضِ اُ دوتا، ایتا تازه آدم به وجود باوره، تا صلح و سلامتی برقرار بُکونه،

Gilaki New Testament

¹⁵ جٚه اَ خأطر، اون در خو جیسم شریعتٚ حوکمأنٚ سٚر و سأمأن و موقررأتٚ ایعتبأرَ تومأنَ کوده. اونی نیّت اَن بو کی در خودش جٚه او دونه گورو اینسأنأن جَا ایتأ تأزه قوم چأکونه و یوهودیأن و اوشأنی کی یوهودی نیبیدٚ میأن ایتأ آشتی و ریفأقت بوجود بأوٚره.

کتاب مقدس به زبان گیلکی - گویش شرقی

¹⁵ رسم و رسومه کی شریعت احکوم مئن دبو باطیلاگوده، تا خوشه مئن عوض او دوته، یکته تازه آدم چاکونه، تا صلح و سلامتی برقرار بوکونه

افسسیان 2:15 ပူးပေါင်းရင်းမြစ်များ

دوم قرنتیان 5:17

پس اگر اینفر مسیح درون بِئسا، تازه خلقت ایسه. هرچی کی کُهنه بو دِه تمانا بوسته؛ الان، همه چی تازه بُبوسته.

غلاطیأن 3:10

چون تمانِ اوشانی کی خوائیدی شریعت اعمالَ انجام بدید، همتان لعنتِ جیرید، چره کی توراتِ کتاب درون بینیویشته بُبوسته: «لعنت بِبه، هرکسَ کی، تمانِ اونچی کی شریعتِ کتاب درون بینیویشه بُبوسته یَ پایبند نَبه و اوشانَ به جا ناوَره.»

غلاطیأن 3:28

دِه نه یهودی معنی دَره نه یونانی، نه نوکر نه آزاد، نه مَردای نه زَنای، چونکی شُمان همتان مسیحْ عیسی درون ایتا ایسید.

غلاطیأن 6:15

چونکی نه ختنه بوستَن ایچی ایسه و نه ختنه نُبوستن؛ اونچی کی مهمه تازه خلقت ایسه.

افسسیان 2:10

چونکی امان خُدا دَس کاریم، و مسیح عیسی درون خلق بُبوستیم، تا خُبِ کاران بُکونیم، اُ کارانی کی خُدا پیشتر آماده بُکود تا اوشانِ درون قدم اوسانیم.

افسسیان 2:14

چونکی مسیح خودش اَمی صلح و سلامتی ایسه، اونکی اَمان هر دویَ، یعنی یهود وغیر یهودَ ایتا بُکوده و خو جسم درون جُدایی دیوارَ کی دُشمنی باعث بو فُگوردانه،

افسسیان 2:16

و هر دو تایَ ایتا تنِ درون خُدا مرا آشتی بدِه، بواسطه ی خو صلیب کی اونِ سر، دُشمندیَ بُکوشت.

افسسیان 4:16

اونِ درونِ کی تمان تن، هر مفصل امرا کی اونَ ربط دَره چفت و بند بیدی و چسبیدی، تا هر عضوی دُرُست کار بُکونه، تن رشد کونه و خورَه محبت درون بنا کونه.

کولسیان 2:14

و اُ قَرضانِ سند کی بواسطه ی قانونان اَمی ضد بینیویشته بُبوسته باطلَ کود، و از بین بَبرد، و صلیبِ سر میخکوب بُکود.

کولسیان 2:20

اگه شُمان مسیح اَمرا نسبت به اَ دُنیا اصول بَمردیدی، چره اوشانِ مانستن کی انگار هنو اَ دُنیا شینید، اونِ قانونانَ عمل کونیدی، اُ قانونانی کی گه:

کولسیان 3:10

و تازه آدم رختَ دکودیدی، کی حقیقی معرفتِ درون هر دَم تازه به تا خو خالق مانستن بِبه.

کولسیان 3:11

اَ تازه آدمِ درون، نه یونانی یا یهودی، نه ختنه بُبوسته یا ختنه نُبوسته، نه بَربَر یا سَکایی، نه نوکر یا آزاد دِه معنی ناره، بلکی مسیح همه چی ایسه و همتان درونِ.

کولسیان 3:15

مسیحِ صلح و سلامتی شیمی دیلانِ درون حاکم بِبه، کی راس راسی ایتا تنِ درون دوخواده بُبوستیدی. شُکرگزار بیبید.

عبرأنیأن 7:16

اون نه شریعتِ اُ حکم جا کی اونِ نسلَ مربوطه، بلکی اُ زیندگی قوتِ جا کی از بین نیشه، کاهن به.

عبرأنیأن 8:13

خُدا ایتا تازه عهدِ گب زئنِ جا، اُ اولتّا عهدَ بی اعتبار کونه، و اونچی کی اعتبارِ جا کَفه، کُهنَه به و آماده ایسه کی از بین بشه.

عبرأنیأن 9:23

پس بایستی اَ چیانَ کی ایتا نمونه آسمانی چیانِ جا ایسید، اَ قربانی ئانِ امرا پاکَ بید، ولی خودِ آسمانی چیان اُ قربانی ئانِ امرا کی اَشانِ جا بختره، پاکَ بیدی.