کولسیان 1:16 - کتاب مقدس به زبان گیلکی - گویش رشت و غرب گیلان

¹⁶ چونکی همه چی بواسطه ی اون خلق بُبوست، آسمان درون و زمین سر، اُ چیانیَ کی شه دِئن یا نیشه دِئن، چی پادشائی تخت ئان یا قلمرو ئان، رئیس ئان یا قُدرت ئان، همه چی بواسطه ی اون و اونِ ره خلق بُبوست.

Gilaki New Testament

¹⁶ حِئقتٚ رِه گفتنی، تومأمٚ دونیأ عیسا مسیحٚ دٚسٚ اَمرأ چأکوده بوبوسته ینی هر چی آسمأن و زیمینٚ سٚر نٚهأ، بیدِه بوستنی و نیده بوستنی؛ روحأنی دونیأ اَشأنٚ حأکیمأن و تأج و تختٚ اَمرأ و فرمأنده‌یأن و اوشأنٚ پیله‌ کسأن همٚتأن مسیحٚ دٚسٚ اَمرأ و اونی جلالٚ وأسی بوجود بأمؤ.

کتاب مقدس به زبان گیلکی - گویش شرقی

¹⁶ چون همه چی بواسیطه او خلق بوبؤ، آسمؤن مئن و زمین سر، او چیزؤنی کی شأنه دئن یا اوشؤنی کی دئه نشأنه، چی پادشاهی تختؤن یا قلمرؤن، رئیسؤن یا قدرتؤن، همه چی بواسیطه او و اون وأسی خلق بوبؤ.

کولسیان 1:16 ပူးပေါင်းရင်းမြစ်များ

یوحنا 1:10

کلمه دُنیا درون ایسا بو، و دُنیا بواسطه ی اون بوجود بامو؛ با اَحال دُنیا اونَ نشناخته.

یوحنا 1:3

همه چی بواسطه اون بوجود بامو، و جه هر اونچی کی بوجود بامو، هیچّی بدون اون بوجود نامو.

رومیأن 11:36

چونکی همه چی اونِ جا ایسه، و بواسطه اون، و اونِ شین ایسه. تا ابد اون ره جلال ببه. آمین.

رومیأن 8:38

چون حتم دَرم کی نه مرگ و نه زیندگی، نه فیریشته ئان و نه پیله تران، نه اُ چیانی کی الان نئه و نه اُ چیان کی آینده اَیه، نه هی قدرتی،

رومیأن 9:5

و پیله پئرانَم اَشانِ شین ایسید، و مسیح مطابق جسم اَشانِ نسلِ جا ایسه، خُدایی کی همتانِ جا بُجورتر ایسه، اونَ تا به ابد سپاس. آمین.

اوّل قرنتیان 8:6

با اَ حال امان فقط ایتا خُدا دَریم، یعنی آسمانی پئر، کی همه چی اونِ جا ایسه و امان اونِ شین ایسیم؛ و فقط ایتا خُداوند ایسه، یعنی عیسیِ مسیح، کی همه چی بواسطه اونِ و امان بواسطه اون ایسائیم.

افسسیان 1:10

خُدا نقشه اَن بو، کی هَطوکی اونِ وقت فارسه همه چیَ، چی آسمانِ درون چی زمینِ سر، همدیگر مَرا مسیح درون جَما کونه.

افسسیان 6:12

چونکی اَمی جنگ، جسم و خون مَرا، یعنی آدمی امرا نیئه، بلکی اَمان رئیس ئانِ ضد، قدرتانِ ضد، و اُ تاریکی نیروئانِ ضد کی اَ دُنیا سر حاکمید، شریر روحانِ لشگرانِ ضد کی آسمانی جیگائان درونید، جنگ کودن دَریم.

فیلیپیان 2:10

تا عیسی نامِ اَمرا هر زانویی خمَ به آسمان درون، زمين سر و زمينِ جیر،

کولسیان 1:15

اون، اُ خُدایِ شکلِ کی نِشه دِئن، اولتّا زای، تمانِ خلقتِ جا پیشتر و بُجورتر.

کولسیان 1:20

و بواسطه ی اون همه چیَ خو امرا آشتی بدِه، چی زمین سر، چی آسمان درون خو خونِ فوکودَن اَمرا صلیب سر آشتی بدَه.

کولسیان 2:10

و شُمانم مسیح درون، کی تمانِ رئیس ئان و قُدرتان ره سر ایسه، پُر بُبوستیدی.

کولسیان 2:15

اون، رئیس ئان و قدرتانِ سِلاح ئانَ بیگیفت، و صلیب امرا، اوشانِ سر حریف بُبوست و اَشانَ همه کسِ جُلُو رسوا بُکود.

عبرأنیأن 1:2

ولی اَ آخرتا روجانِ درون، اون بواسطه خو پسر اَمی اَمرا گب بزه، هو پسر کی اونَ ایتا وارثِ مانستن تمانِ چیانِ درون تعیین بُکود و بواسطه اون جهانَ خلق بُکود.

عبرأنیأن 2:10

چون اَن دُرُست و بجا بو خُدا، کی تمانِ چیان اونِ ره و بواسطه اون وجود دَریدی، اَنه واسی کی خَیلی پسرانَ به جلال فارسانِه، بایستی اوشانِ نجاتِ بانیَ، عذابِ راهِ درون کامِلَ کونه.

۱پطرس 3:22

اُ عیسی مسیح کی به آسمان بُشو و هَسا خُدا راستِ دَسِ وَر ایسا، و فیریشته ئان، قدرتان و قوت ئان اونِ فرمانبر بُبوستید.