اعمالٚ رسولأن 9:13 - کتاب مقدس به زبان گیلکی - گویش رشت و غرب گیلان

¹³ ولی حَنانيا جواب بدَه: «خُداوندا، خَیلیانِ جا، اَ مرداک باره بیشتاوستم کی تی مُقدّس آدمانَ اورشلیم درون اذیت و آزار بُکوده،

کیتاب مقدّس به گیلکی (رشتی)

¹³ حَنانیا جواب بده: «خوداوندأ، جٚه خیلی‌یأن بیشنأوستم کی اَ مرد تی ایماندارأنَ اورشلیمٚ میأن آزار و شکنجه کودی

Gilaki New Testament

¹³ حنانیا عرض بوکوده: «خوداوندا، ولی بشتأوستم کی اَ آدم اورشلیمٚ میأن خٚیلی ایمأندأرأنَ آزأر فأرٚسأنِیی!

کتاب مقدس به زبان گیلکی - گویش شرقی

¹³ ولی حَنانیا جواب بده: «خداوندا، خیلی ایی مردکه باره بیشتؤسم که تی مقدسؤنِ آدمونه اورشلیم دیرون اذیت و آزار بوده.

اعمالٚ رسولأن 9:13 ပူးပေါင်းရင်းမြစ်များ

متّی 10:16

«من شمرأ گوسفندانِ مانستن گُرگ ئانِ میان اوسِه کونم. پس لانتی مانستن واخُب بیبید و کوترِ مانستن فقیر.

اعمالٚ رسولأن 22:4

من اوشانی کی طریقت اهل بیدَ تا پای مرگ عذاب دَئیم و اوشانَ چی مرد و چی زن گرفتارَ کودیم و خولتانک درون تَوَدَئیم.

اعمالٚ رسولأن 8:3

ولی سولُس بدجور کلیسا یَ فُتورک زئی و خانه بخانه گردَستی و زناکان و مرداکانَ بیرون فاکشه ئی و خولتانکِ درون تَوَدَئی.

اعمالٚ رسولأن 9:1

ولی سولُس كی خُداوندِ شاگردانَ تهدید کودی و اوشانِ کوشتنِ دُمبال بو، پیله کاهن ورجه بُشو

اعمالٚ رسولأن 9:21

هرکس کی اونِ پیغامَ ایشتاوستی ماتا بوستی و گفتی: «مگه اَن هونی نیه کی اورشلیم درون اوشانیَ کی عیسی نامَ خوشان زوان سر اَوَردیدی تار و مارَ کودی؟ مگه اَنه واسی نامو تا اَشانم دستگیر بُکونه و کاهنان سران ورجه ببره؟»

اعمالٚ رسولأن 9:32

پِطرُس کی هو سامنسر گردستی، لُدَّه شار درون بُشو تا مُقّدسینیَ کی اویا ایسابید، بیدینه.

اعمالٚ رسولأن 9:41

پِطرُس اونِ دسَ بيگيفت و اونَ ويريزانه. هوموقع ویوه زناکان و مُقدّسینَ دوخواد و طابیتایَ زنده اَشان دس واسپارد.

رومیأن 1:7

تمانِ اوشانی کی روم شارِ درون ایسائید کی خُدا اوشانَ دوست دَره و دعوت بُبوستیدی تا جه مُقّدسین بیبید: فیض و صلح و سلامتی جه خُدا طرف، اَمی پئر، و عیسی مسیحِ خُداوندْ، شمرأ ببه.

رومیأن 15:31

تا یهودیه بی ایمانانِ دَسِ جا، جان سالم به دَر بَبرم و می خیدمت، اورشلیم واسی، مُقدّسین ره قُبیل ببه.

رومیأن 16:15

فيلولوگوس، يوليا، نيرياس و اونِ خاخور، و اوليمپاس و تمانِ مُقّدسینی کی اوشانِ اَمرا ایسائیدَ، سلام فارسانید.

رومیأن 16:2

اونَ خُداوند درون، اوجور کی مقدّسین لایق ایسه، قُبیل بُکونید و هر کمکی کی شیمی جا بخواسته مضاقا نُکونید، چونکی اون خَیلیانَ، حتی خودِ مَره، خَیلی کمک بُکوده دَره.

اوّل قرنتیان 1:2

خُدا کلیسا ره کی قُرِنتُسِ شار میان نَئه، و اوشانی كی مسیحْ عیسی درون تقدیس بُبوستید و دعوت بُبوستیدی تا همدیگر اَمرا مُقدّس بیبید، تمان اوشانِ اَمرا کی هرجا اَمی خُداوند نام، عیسی مسیحَ دوخوانید، کی اَمی خُداوند و اَشانِ خُداوندِ:

اوّل قرنتیان 14:33

چونکی خُدا، هرج و مرجی خُدا نیه، بلکی صلح و سلامتی خُدایِ. هُطوکی تمانِ مُقدسینِ کلیسائان درون اَطویه.

اوّل قرنتیان 16:1

هسّا پیشکشانِ جَما کودن باره مُقدّسینِ ره: شُمانَم اوچیَ کی غلاطیه کلیسائانَ بُگفتم، انجام بَدید.

اوّل قرنتیان 6:5

اَنَه گَم تا شمرأ شرمنده بُکونم. شیمی میان اینفر اَنقدر حکیمِ نُبو کی بتانه اَ جریاناتَ برارانِ میان حل وفصل بُکونه؟

افسسیان 1:1

پولُس جا کی به خُدا خواسته مسیحْ عیسی رسول ایسه، مقدّسین ره کی اَفسسِ شار درون ایسائیدی، اوشانی کی مسیحْ عیسی درون وفادار ایسید:

فیلیپیان 1:1

پولُس و تيموتائوس جا، مسیحْ عیسی نوکران، تمان مُقدسین ره مسیحْ عیسی درون کی فيليپی شار میان ایسائید، ناظران و شَماسان:

فیلیپیان 4:22

تمانِ مُقدّسین اَیا شمرأ سلام فاراسانیدی، بخصوص اوشانی كی قيصر خانه اهل شینید.

کولسیان 1:2

مُقدّسین و وفادارِ براران مسیح درون کی کولُسی شار درون ایسائیدی: خُدا طرف جا، اَمی پئر، شمرأ فیض و صلح و سلامتی بایه.

عبرأنیأن 13:24

تمانِ شیمی رهبران و تمانِ مقدّسینَ سلام برسانید. اوشانی کی ایتالیا شینید شمرأ سلام فارسانیدی.

یهودا 1:3

ای عزیزان، با اَنکی خَیلی ذوق دَشتیم تا اُ نجات باره کی امان همه، اونِ درون سام دَریمی شمرأ بینیویسَم، ولی لازم بیدِم اَ چن خط نیویشتنِ امرا، شیمی جا بخوام کی اُ ایمانِ درون کی ایوار همیشک ره، مقدّسینَ واسپارده بُبوسته، تقلا بُکونید.