اعمالٚ رسولأن 6:15 - کتاب مقدس به زبان گیلکی - گویش رشت و غرب گیلان

¹⁵ هه موقع، تمان کسانی کی شورا درون ایسابید و استیفانَ زُل بزه بید، بیدِه ئید کی استیفانِ دیم، ایتا فیریشته دیمِ مانستن بُبوسته.

کیتاب مقدّس به گیلکی (رشتی)

¹⁵ او وخت تومامٚ اوشأنی کی شورا میأن ایسَه‌بید، استیفانَ خیره بوبوستیدی و استیفانٚ دیمَ کی فرشته‌یأنٚ دیمأنٚ مأنستن بوبوسته‌بو، بیده‌ییدی.

Gilaki New Testament

¹⁵ اَ زمأت میأن، تومأمٚ اوشأنی کی شورأ میأن نیشته بود، ایستیفانَ فأندرستأندوبود و بیدِده کی اونی دیم هطو ایتأ فٚرٚشته‌یَ مأنه!

کتاب مقدس به زبان گیلکی - گویش شرقی

¹⁵ هی موقع، تموم اوشؤنی که شورا میئن ایسابؤن و استیفانِ چال بزه بوئن، بدِئن، که استیفانِ دیم یکته فرشته دیمِ مورسون بوبؤ بو.

اعمالٚ رسولأن 6:15 ပူးပေါင်းရင်းမြစ်များ

متّی 13:43

هو موقع صالحان خوشانِ پئرِ پادشائی درون، آفتاوِ مانستن فتاویدی. هر کی گوش ایشتاوستنِ ره دَره، بیشتاوه.»

متّی 17:2

اویا، اوشانِ جُلُو ، عیسی دیم وگردست: اونِ دیم، آفتاوِ مانستن سوسو کودی و اونِ رَخت سیفیدی جا برق زئی.

متّی 5:22

ولی من شمرأ گَم، هر کی خو برار سر غیظ بُکونه، سزاوارِ محاکمه یِ؛ و هر کی خو برارَ توهین بُکونه، شورا ورجه سزاور محاکمه یِ؛ و هر کی خو برارَ شانتِه بگه، اونِ سزا جهندم آتش بِه.

مَرقُس 8:25

بازون عیسی ایوار دِه خو دَسَ اونِ چومان سر بَنه. هو موقع اُ مرداک خو چومانَ وازا کود و اونِ چوم سو وَگردَست، و همه چیَ خُب دئی.

اعمالٚ رسولأن 7:1

پیله کاهن استیفان جا واورسه: «اَ چیان راسته؟»

دوم قرنتیان 3:18

و تمان امان کی بی‌نقابِ دیمِ مَرا، خُداوندِ جلالَ، ایتا آینه‌ مانستن فَندریم، هو شکل مانستن، جلال جا به ایتا جلال کی ویشترَ به عوضَ بیم؛ و اَن خُداوند جا شروع به کی روح ایسه.