اعمالٚ رسولأن 5:21 - کتاب مقدس به زبان گیلکی - گویش رشت و غرب گیلان

²¹ پس صُوب دم، بنا به اونچی کی اَشانَ بگفته بُبوسته بو معبد درون بُشوئید و بنا به مردوم تعلیم دئن بُکودید. وقتی پیله کاهن و اوشانی کی اونِ همراه بید، باموئید، تمان شورا آدمان و تمان یهودِ مردومِ ریش سیفیدانَ دوخوادید و چن نفرَ اوسه کودید تا رسولانَ زندان جا باوَرید.

کیتاب مقدّس به گیلکی (رشتی)

²¹ بأزین صُبٚ دم، هَطو کی خودا فرشته رسولأنَ بوگفته‌بو، بوشوییدی معبد و مردومَ تعلیم بدَه‌ییدی. بأزین کاهنٚ اعظم خو همکارأنٚ اَمرأ بمو، شورا اعضا و تومامی‌یٚ ایسرائیلٚ مشایخَ دوخوأدیدی و چند نفرَ اوسه کودیدی تا رسولأنَ زندانٚ جأ بأورید.

Gilaki New Testament

²¹ پس صُبٚ دٚمٚ رِه موعیظه کودنٚ وأسی بوشؤد معبدٚ میأن! پیله کأهین و اونی پیشکأرأن بأمؤد معبدٚ میأن و تومأمٚ ایسرأییلٚ پیله کسأن و یوهودٚ شورأ آدمأنٚ جَا دعوت بوکودٚد کی ایتأ جلسه بٚنٚد. چن نفرم اوسه کودٚد کی روسولأنَ زندأنٚ جَا بأوٚرٚد و موحأکمه بوکونٚد.

کتاب مقدس به زبان گیلکی - گویش شرقی

²¹ پس صوبه دم بنا بر اوچیزی که ایشؤنِ بوته بوبؤبو معبد بوشؤن و بینا بودن مردم آموتَن. وختی پیله كاهن و اوشونی که اینه همره بوئن بمان، تموم شورا آدمون و تموم یهودِ مردومِ شیخون دوخؤندَن و چندنفر سرادئن تا رسولؤنِ زندؤنِ جی بأرَن.

اعمالٚ رسولأن 5:21 ပူးပေါင်းရင်းမြစ်များ

متّی 5:22

ولی من شمرأ گَم، هر کی خو برار سر غیظ بُکونه، سزاوارِ محاکمه یِ؛ و هر کی خو برارَ توهین بُکونه، شورا ورجه سزاور محاکمه یِ؛ و هر کی خو برارَ شانتِه بگه، اونِ سزا جهندم آتش بِه.

لوقا 22:66

وقتی صُب بُبوست، شورای قومِ ریش سیفیدان، هم کاهنان سران و هم تورات آموجگاران، همدیگر مرا جلسه بنه ئید. بازون عیسیَ شورا میان باوردید و اونِ جا واورسه ئید:

یوحنا 18:35

پیلاتُس جواب بدَه: «مگه من یهودیَم؟ خودتِ ملت و کاهنان سران، تره می دَس فدَئید؛ چی بُکوده ئی؟»

یوحنا 8:2

صوب دَمان، عیسی بازم معبد صحن درون بامو. اویا مردوم همه اونِ دور جمَ بوستید؛ عیسی بینیشت و بنا به مردوم آموختن بُکود.

اعمالٚ رسولأن 22:15

چونکی تو تمان مردوم جُلُو، اونِ شاهد خوائی بوستن و اونچیَ کی بیده ئی و بیشتاوسته ئی، گُوائی دَئی.

اعمالٚ رسولأن 22:5

پیله کاهن و تمان شورا ریش سفیدان تانیدی اَ جریان ره گُوائی بدید، چونکی اَشانِ جا نامه ئانی براران ره کی دمشق درون ایسابید فیگیفتم، تا اویا بشم و اَ طریقت اهلَ دستگیر بُکونم و مجازات ره اورشلیم باورم.»

اعمالٚ رسولأن 5:17

ولی پیله کاهن و تمانِ اوشانی کی اونِ اَمرا بید، یعنی صدوقی فرقه عالمان، حسودی جا دس بکار بُبوستید و

اعمالٚ رسولأن 5:27

وقتی کی رسولانَ باوَردید، اَشانَ شورا ورجه بپا بدَشتید. هوموقع پیله کاهن اَشانِ جا واورسه و بگفت:

اعمالٚ رسولأن 5:34

ولی اینفر جه فریسی فرقه عالمان، گامالائیل نام، کی شریعت آموجگار بو و همه اونَ احترام نَئیدی، مجلس میان بپا بأسا و دستور بدَه رسولانَ ایپچه بیرون ببرید.

اعمالٚ رسولأن 5:41

پس رسولان جه شورا آدمانِ ورجه ذوق مرا، بیرون بُشوئید، چون لایق بحساب باموئید کی عیسی نامِ خاطری بی حُرمتی بیدینید.