اعمالٚ رسولأن 5:14 - کتاب مقدس به زبان گیلکی - گویش رشت و غرب گیلان

¹⁴ خَیلی جه زناکان و مرداکان، خُداوندَ ایمان باوردید و اَشانِ جمِ درون اضافه بوستیدی،

کیتاب مقدّس به گیلکی (رشتی)

¹⁴ و مردأکأن و زنأکأنٚ فراوانی به خوداوندْ عیسی ایمأن بأوردیدی،

Gilaki New Testament

¹⁴ هطویم، ویشتر و ویشتر مردأکأن و زنأکأن خودایَ ایمأن اَوٚردیدی و اونَ دوچوکستیدی.

کتاب مقدس به زبان گیلکی - گویش شرقی

¹⁴ خیلی از مرداکؤن و زنأكؤن خداوندِ ایمؤن بأردَن و ایشونِ جمعِ میئن اضافه بوبوئن

اعمالٚ رسولأن 5:14 ပူးပေါင်းရင်းမြစ်များ

اعمالٚ رسولأن 11:24

چونکی بَرنابا ایتا خُرم آدم بو، و روح القدّس و ایمانِ جا پُر بو. جه اَ رو پیله جماعتی خُداوندَ ایمان باوردید.

اعمالٚ رسولأن 2:41

پس اوشانی کی پِطرُس پيغامَ قُبیل بُكوديد، غُسل تعميد بيگيفتيد. هو روج درون دورور سه هزار نفر اَشان جم درون ایضافه بُبوستید.

اعمالٚ رسولأن 2:47

و خُدایَ ستایش کودید. تمان خلق اَشانَ احترام نائیدی؛ و خُداوند هر روج اوشانیَ کی نیجات گیفتید اَشانِ جم درون اضافه کودی.

اعمالٚ رسولأن 22:4

من اوشانی کی طریقت اهل بیدَ تا پای مرگ عذاب دَئیم و اوشانَ چی مرد و چی زن گرفتارَ کودیم و خولتانک درون تَوَدَئیم.

اعمالٚ رسولأن 4:4

ولی خَیلی جه اوشان کی اُ کلام بیشتاوسته بید، ایمان باوردید، و مرداکان تعداد دوروَر پنج هزار نفر بُبوسته بو.

اعمالٚ رسولأن 6:7

پس خُدا کلام، پخشَ بوستن دوبو و شاگردانِ تعداد اورشلیم درون خَیلی ویشترَ بوسته و خَیلی جه کاهنانَم ایمان باوردید.

اعمالٚ رسولأن 8:12

ولی وقتی مردوم فیلیپسِ خُبِ خبرَ کی خُدا پادشائی و عیسی مسیحِ نامِ باره بو، ایمان باورده بید، همتان چی مرد و چی زن، غُسل تعمید بیگیفتید.

اعمالٚ رسولأن 8:3

ولی سولُس بدجور کلیسا یَ فُتورک زئی و خانه بخانه گردَستی و زناکان و مرداکانَ بیرون فاکشه ئی و خولتانکِ درون تَوَدَئی.

اعمالٚ رسولأن 9:2

و اونِ جا، دمشق عبادتگائان ره نامه بخواسته تا اوشانی کی عیسی دُمباله رو ایسیدی و اوشانَ اهل طریقت گُفتیدی، چی مرد و چی زنَ بیگیره و اورشلیم باوره.

اعمالٚ رسولأن 9:31

اَطویی کلیسا سرتاسر یهودیه و جلیل و سامره درون آرامَ بوسته و قوت گیفتی. ایمانداران، خُداوندِ ترس درون زیندگی کودید و روح القدّس تشویق اَمرا اَشان تعداد ویشتر بوستی.

اعمالٚ رسولأن 9:35

تمان لُدَّه و شارونِ مردومان اونِ دِئن اَمرا خُداوندَ ایمان باوردید.

اعمالٚ رسولأن 9:42

اَ جریانِ خبر سراسر یافا شار درون بیپیچست و خَیلیان خُداوندَ ایمان باوردید.

دوم قرنتیان 6:15

مسیح و بِلیعال یعنی شیطان چی سازشی دَریدی و مؤمن و کافر چی شباهتی دَرید؟

غلاطیأن 3:28

دِه نه یهودی معنی دَره نه یونانی، نه نوکر نه آزاد، نه مَردای نه زَنای، چونکی شُمان همتان مسیحْ عیسی درون ایتا ایسید.